قازگيدرومەت: ءساۋىردىڭ 22 ءسى كۇنگى اۋا رايى بولجامى
كاسىپورىن تاراتقان مالىمەتتەرگە قاراعاندا، ەلدىڭ وڭتۇستىگى مەن وڭتۇستىك-شىعىسىنىڭ ءبىرقاتار ايماقتارىندا مول كولەمدە جاۋىن جاۋادى، ەلدىڭ تەك باتىسى مەن وڭتۇستىك-باتىسىندا عانا كۇن اشىق بولادى. كەي جەرلەرگە تۇمان ءتۇسىپ، جەل كۇشەيەدى. وڭتۇستىكتە نايزاعاي ويناپ، بۇرشاق جاۋۋى ىقتيمال.
اقمولا وبلىسىندا كۇندىز كۇشتى جەل تۇرىپ، جىلدامدىعى سەكۋندىنا 15-20 مەترگە جەتەدى.
قىزىلوردا، قاراعاندى، تۇندە جانە تاڭ اتا قوستاناي وبلىستارىندا تۇمان ءتۇسىپ، قاراعاندى وبلىسىندا كوكتايعاق بولادى.
جامبىل وبلىسىنىڭ ءبىرقاتار ايماقتارىندا نايزاعاي ويناپ، تۇمان ءتۇسىپ، جەل كۇشەيىپ، جىلدامدىعى سەكۋندىنا 15-20 مەترگە جەتەدى، بۇرشاق جاۋۋى دا ىقتيمال.
تۇركىستان وبلىسىنىڭ كەي جەرلەرىندە نايزاعاي ويناپ، بۇرشاق جاۋۋى ىقتيمال، تۇندە جەلدىڭ جىلدامدىعى سەكۋندىنا 15-20 مەترگە جەتەدى.
الماتى، شىعىس قازاقستان وبلىستارىنىڭ كەيبىر ايماقتارىندا جەل كۇشەيىپ، جىلدامدىعى سەكۋندىنا 15-20 مەتر بولادى، تاڭ اتا جانە تۇندە تۇمان تۇسەدى.