دانيار اقىشيەۆ بۇعاتتالعان 22 ميلليارد ا ق ش دوللارى تۋرالى تۇسىنىكتەمە بەردى
ونىڭ ايتۋىنشا، مۇنداي كەلەڭسىزدىك بۇرىن رەسەيدە دە بولعان.
«بىزگە دە سول جاعداي تاپ بولىپ وتىرمىز. سوندىقتان، بۇل جەردە قازاقستانعا قاتىستى جۇيەلى ارەكەت دەپ قاراستىرماۋ كەرەك. ءبىزدىڭ ويىمىزشا، بۇعاتتاۋ تۋرالى شەشىم الاياقتىق جولمەن الىنعان. سوندىقتان، ءبىز سوت پروتسەسىن قوزعاپ جاتىرمىز»، - دەدى باس بانكير.
ونىڭ ايتۋىنشا، قازىر بۇل پروتسەسپەن ق ر ادىلەت مينيسترلىگى اينالىسىپ جاتىر. ق ر ۇلتتىق بانكى بۇل پروتسەستە باستى كەڭەسشى رەتىندە قاتىسىپ جاتىر.
«ءبىز سوتقا 500 ميلليون دوللارعا ارىزدانىپ جاتىرمىز. ال بۇعاتتالعان سوما 22 ميلليارد دوللار. ەكەۋىنىڭ ايىرماسى وتە ۇلكەن. سوندىقتان، سوت ورىنداۋشىلارىنىڭ ارەكەتىن الاياقتىق جولمەن شەشىمنەن باستاۋ العانىن دالەلدەۋگە تىرىسىپ جاتىرمىز»، - دەدى ول.
دانيار اقىشيەۆ ودان ارى قانداي دا بولماسىن تۇسىنىكتەمە بەرۋدەن باس تارتتى. بۇل ماسەلە تەڭگە باعامىنا قالاي اسەر ەتەتىنىن دە ءتۇسىندىرىپ ءوتتى. ۇلتتىق بانك باسشىسىنىڭ حابارلاۋىنشا، بۇل قازاقستاننىڭ اقشا- نەسيە ساياساتىنا ەش ىقپال ەتپەيدى.
«ق ر ۇلتتىق بانكىنىڭ التىن ۆاليۋتا قورى ساقتاۋلى. ال ۇلتتىق قور قارجىسىنا قاتىستى ادىلەت مينيسترلىگىمەن بىرىگە زەرتتەۋ جۇرگىزىپ جاتىرمىز»، - دەدى اقىشيەۆ.
اۆتور: گۇلميرا عوسمانالي
