13:05, 02 - مامىر 2017 | GMT +5
ديماش 22 مىڭ ادامدىق «استانا ارەنادا» كونسەرت بەرەدى
استانا. قازاقپارات - ديماش قۇدايبەرگەن ەلوردادا وتەتىن ەكسپو-2017 حالىقارالىق مامانداندىرىلعان كورمەسى اياسىندا ەكى كۇن كونسەرت بەرەدى.
بۇل تۋرالى بۇگىن ق ر ۇكىمەتىنىڭ سەلەكتورلىق رەجىمدەگى وتىرىسىندا ەلىمىزدىڭ مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى، دەپ حابارلايدى قازاقپارات. «اۋقىمدى كونسەرتتىك باعدارلامالاردىڭ ىشىندە ديماش قۇدايبەرگەننىڭ «استانا ارەنا» ستاديونىندا وتەتىن كونسەرتى بار.
«استانا ارەناعا» 22 مىڭ ادام سيادى. قازىرگى ۋاقىتتا، اينالدىرعان 6 كۇننىڭ ىشىندە 7 مىڭ بيلەت ساتىلىپ كەتتى. سوندىقتان قازىرگى ۋاقىتتا ءبىز ديماش قۇدايبەرگەننىڭ ەكىنشى كونسەرتىن ۇيىمداستىرۋ ماسەلەسىن قاراستىرىپ جاتىرمىز»، - دەدى مينيستر.
اۆتور: مارلان جيەمباي
