09:36, 22 - شىلدە 2016 | GMT +6
رەسەي 22- شىلدەدەن باستاپ ازاماتتارىنىڭ تۇركياعا ۇشۋىنا شەكتەۋلەردى الىپ تاستادى
استانا. قازاقپارات - رەسەي 22- شىلدەن باستاپ تۇركيامەن تۇراقتى اۋە قاتىناستارىن قايتا جالعاستىرادى، دەپ حابارلادى رەسەي اۆياتسيا.
«تۇرىك تاراپىنان اۋەجايلاردا جانە تۇرىك رەسپۋبليكاسى اۋماعىندا رەسەيلىك ازاماتتار بولۋىنىڭ جوعارى قاۋىپسىزدىك شارالارىن كىدىرىسسىز الاتىنى تۋرالى ۋادەلەرىنە سايكەس 2016-جىلعى 22- شىلدەدەن باستاپ ر ف- دان تۇركياعا ۇشۋدى جۇزەگە اسىراتىن بارلىق اۆياكومپانيالاردىڭ تۇراقتى قاتىناسى قايتا جالعاستىرىلادى»، - دەلىنگەن حابارلامادا. بۇل تۋرالى ر ي ا نوۆوستي حابارلادى.
رەسەي كولىك مينيسترلىگى بۇل اقپاراتتى قۋاتتادى.
تۇركياعا تۇراقتى اۋە قاتىناسى 16- شىلدەدەن باستاپ اسكەريلەردىڭ ءبىر بولىگى تۇركيادا توڭگەرىس جاساۋعا تىرىسۋىنا بايلانىستى توقتاتىلعان بولاتىن. تۇرىك پرەزيدەنتى تايىپ ەردوعاننىڭ ايتۋىنشا، بۇلىك سالدارىنان 246 ادام قازاعا ۇشىرادى، ەكى مىڭنان استامى جارالاندى.
