پەتروپاۆلدىق زاۋىت 22 وتاندىق كومبايندى قۇراستىرىپ شىعاردى
شارۋالاردىڭ ايتۋىنشا، كومبايندار ەگىندى شاشاۋ شىعارماي ىلعالدى كۇيىندە جينايدى. بۇل - يندۋستريالدى- يننوۆاتسيالىق دامۋ باعدارلاماسى اياسىندا اشىلعان «قازتەحماش» زاۋىتى. ءوندىرىس وشاعىنا 2 ميلليارد تەڭگە ينۆەستيتسيا قۇيىلدى.
مەملەكەت باسشىسىنىڭ باتاسىن العان تىڭ جوبا بيىل جۇزەگە اسىپ، سولتۇستىك قازاقستاندا كومبايندار شىعارىلا باستادى. قۋانىش ەسمۇقانوۆ كومباين قۇراستىرۋدىڭ قىر- سىرىن بەس ساۋساعىنداي بىلەدى. فينليانديا ەلىندە وقىپ كەلگەن ول بار بىلگەنىن جەرگىلىكتى جۇمىسشىلارعا ۇيرەتىپ ءجۇر.
قۋانىش ەسمۇقانوۆ، سلەسار- قۇراستىرۋشى:
- بۇلاردىڭ شەتەلدىك كومباينداردان ەش كەمشىلىكتەرى جوق. ىلعالدىلىعى جاقسى. 30 پايىزعا دەيىن جيناي بەرەدى. ەشقانداي شىعىمى جوق، جينايتىن استىق بولسا بولعانى. ءبىر كومباين شامامەن 30 مىڭ قوسالقى بولشەكتەن تۇرادى. ولاردىڭ بارلىعى 8 بىردەي ءوندىرىس وشاعىنان ءوتىپ، 12 كۇننەن كەيىن تولىق دايىن بولادى. زاۋىت جىلىنا 300 كومباين قۇراستىرا الادى. كاسىپورىن قىزمەتكەرلەرى ولاردى ساتىپ قانا قويماي، جوندەۋ جۇمىستارىن دا جولعا قويعان. ول ءۇشىن قۇرال- سايماندار مەن قوسالقى بولشەكتەر تولىق بار.
قازيزتاي ءاشىموۆ، قىزمەت كورسەتۋ ينجەنەرى:
- كومباين سىنىپ قالسا، كۇللى قيراعان سايماندارىن اۋىستىرامىز. سايماندار تۇگەل جەتكىلىكتى. ولاردىڭ ءبارى وسى سەحتىڭ ىشىندە بار. ءوندىرىس وشاعى فينليانديا، پولشا ەلدەرىنىڭ كومپانيالارىمەن قويان- قولتىق جۇمىس ىستەيدى. ەۋروپالىق تەحنولوگيامەن جينالعان كومبايندار بارلىق تالاپتارعا جاۋاپ بەرەدى. ەندى زاۋىتتاعىلار تەحنيكانىڭ قازاقستاندىق مازمۇنىن ارتتىرۋدى كوزدەپ وتىر. قازاقستاندىق مازمۇنىن ۇلعايتۋ ءۇشىن بولشەكتەردى وتاندىق زاۋىتتاردان الىپ جاتىرمىز. كاسىپورىن كومباين قۇراستىرۋمەن قاتار اۋىلشارۋاشىلىعىنا قاجەت جەم- ءشوپ
www.24.kz
