ءولىم جازاسىن 22 جىل كۇتكەن ايەل بوستاندىققا شىقتى

استانا. قازاقپارات - سوت 20 جىلدان استام ۋاقىت بۇرىن 4 جاستاعى ءوز بالاسىن ءولتىردى دەگەن ايىپپەن سوتتالعان اريزونا شتاتىنىڭ تۇرعىنىن بوستاندىققا شىعاردى، دەپ حابارلادى Associated Press.

1989-جىلدىڭ سوڭىندا دەبرا ميلكە ەسىمدى ايەلدىڭ بالاسىن ەكى ەر ادام ۇرلاپ، فينيكس قالاسىنا جاقىن جەردە ولتىرگەن. سول ۋاقىتتا ميلكە قاماۋعا الىنىپ، قىلمىستى ءوزى ۇيىمداستىردى دەپ ايىپتالعان. تەرگەۋ امالدارىنىڭ قورتىندىسىندا ايەل بالاسىنىڭ اجىراسقان كۇيەۋىمەن كەتۋىن قالاماعاندىقتان وسىنداي قىلمىسقا باردى دەپ كورسەتىلگەن.

الايدا، كىنالى دجەيمس ستايەرس پەن رودجەر سكوتت ميلكەنىڭ قاتىسى جوقتىعىن ايتىپ، كۋالىك بەرگەن. ەڭ باستىسى، اۋرۋحانادا كۇيزەلىستە جاتقان ايەلدى تەرگەۋشى زاڭسىز تەرگەگەندىگى دە جارىققا شىققان.

سوڭعى سوت ۇكىمى بويىنشا ميلكەنىڭ جازىقسىز ەكەنى دالەلدەنىپ، ءومىرىنىڭ 20 جىلدان استام ۋاقىتىن اباقتىدا ءولىم جازاسىن كۇتۋمەن وتكىزگەن 51 جاستاعى ايەل بوستاندىققا شىقتى.