ەلباسى 22 - جەلتوقساندا ۋكرايناعا جۇمىس ساپارمەن بارادى

استانا. قازاقپارات - اقوردا رەسمي پورتالى مەملەكەت باسشىسى نۇرسۇلتان نازاربايەۆتىڭ قاتىسۋىمەن وتەتىن الداعى ءىس- شارالار اڭداتپاسىن جاريالادى.

22 - جەلتوقسانعا قازاقستان پرەزيدەنتىنىڭ ۋكرايناعا جۇمىس ساپارى جوسپارلانعان، ونىڭ بارىسىندا سول ەلدىڭ باسشىلىعىمەن كەلىسسوزدەر جۇرگىزىلەدى.

23 - جەلتوقساندا ماسكەۋدە قازاقستان، ارمەنيا، بەلارۋس، قىرعىزستان، رەسەي جانە تاجىكستان پرەزيدەنتتەرىنىڭ قاتىسۋىمەن ۇ ق ش ۇ ۇجىمدىق قاۋىپسىزدىك كەڭەسىنىڭ كەزەكتى سەسسياسى وتەدى.

سونداي- اق 2015 - جىلعى 1 - قاڭتاردا ىسكە قوسىلاتىن ە ا ە و- نىڭ قارساڭىندا قازاقستان، رەسەي، بەلارۋس، ارمەنيا جانە قىرعىزستان پرەزيدەنتتەرىنىڭ قاتىسۋىمەن جوعارى ەۋرازيالىق ەكونوميكالىق كەڭەستىڭ مەملەكەت باسشىلارى دەڭگەيىندەگى وتىرىسى بولادى.

25 - جەلتوقساندا مەملەكەت باسشىسى «قازاقستاندى جاڭاشا يندۋستريالاندىرۋ: 2014 - جىلدىڭ جانە ءبىرىنشى بەسجىلدىقتىڭ قورىتىندىلارى» اتتى جالپى ۇلتتىق تەلەكوپىر شاراسىنا جانە «التىن ساپا» سىيلىعىنىڭ لاۋرەاتتارىن سالتاناتتى ماراپاتتاۋ راسىمىنە قاتىسادى دەپ جوسپارلانىپ وتىر.