16:28, 18 - اقپان 2017 | GMT +5
مەكسيكادا 220 ادامنىڭ جاسىرىن كومىلگەن ءمايىتى تابىلدى
استانا. قازاقپارات - مەكسيكانىڭ ۆەراكرۋس شتاتىندا 2016 -جىلدىڭ تامىزىنان بەرى 220 ادامنىڭ جاسىرىن كومىلگەن ءمايىتى تابىلعان.
بۇل تۋرالى جەرگىلىكتى ۇكىمەتتىك ەمەس ۇيىمنىڭ وكىلى لۋسيا دياس مالىمدەدى. ونىڭ ايتۋىنشا، قازىر بيلىك پەن اتالعان ۇيىم وكىلدەرى تابىلعان قابىرلەردى زەرتتەپ جاتىر. قازا بولعانداردىڭ بارلىعى ايماقتاعى قىلمىستىق توپتاردىڭ قولىنان قازا تاپقان. اقپارات قۇرالدارىنىڭ حابارلاۋىنشا، وڭىردەگى قىلمىسكەرلەر ءوز قۇرباندارىن ولتىرۋدە اسا قاتىگەزدىك تانىتىپ، ءتۇرلى ادىستەردى قولدانادى ەكەن. ءتىپتى ولاردى تۇز قىشقىلىمەن جويىپ جىبەرگەن وقيعالار دا تىركەلگەن.
www.24.kz
