ن. نازاربايەۆ 22- مامىردا 8- استانا ەكونوميكالىق فورۋمىنىڭ جۇمىسىنا قاتىسادى

استانا. قازاقپارات - اقوردا رەسمي پورتالى مەملەكەت باسشىسى نۇرسۇلتان نازاربايەۆتىڭ قاتىسۋىمەن وتەتىن الداعى ءىس-شارالاردىڭ اڭداتپاسىن جاريالادى.

قازاقستان پرەزيدەنتى 21- مامىردا ليتۆانىڭ پرەمەر-ءمينيسترى الگيرداس بۋتكياۆيچيۋستى، سونداي-اق ليۋكسەمبۋرگ پرەمەر-ءمينيسترى كساۆە بەتتەلدى قابىلدايدى.

ال 22- مامىردا نۇرسۇلتان نازاربايەۆ VIII استانا ەكونوميكالىق فورۋمىنىڭ جۇمىسىنا قاتىسادى. فورۋم «ينفراقۇرىلىم: ەكونوميكانىڭ ورنىقتى ءوسىمىنىڭ درايۆەرى» تاقىرىبىنا ارنالماق. ءىس-شاراعا 90 ەلدەن 3000 عا جۋىق ساياسي، ساراپشىلىق جانە ىسكەرلىك توپ وكىلدەرىنىڭ قاتىسۋى جوسپارلانعان.

سونىمەن قاتار، فورۋم اياسىندا مەملەكەت باسشىسىنىڭ ءبىرقاتار كەزدەسۋلەر وتكىزۋى كوزدەلىپ وتىر.