قازاقستاندا «تىنىشتىق رەجيمى» ساعات 22:00 دەن تاڭعى 9:00 گە دەيىن بولادى

نۇر- سۇلتان. قازاقپارات - پارلامەنت ءماجىلىسىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەكىنشى وقىلىمدا تالقىلاۋ كەزىندە «تىنىشتىق رەجيمىن» ساقتاۋ ماسەلەسى قارالدى، دەپ حابارلايدى قازاقپارات ءتىلشىسى.

«قازاقستان رەسپۋبليكاسى كونستيتۋتسياسىنىڭ 14-بابىنىڭ زاڭ مەن سوت الدىندا جۇرتتىڭ ءبارىنىڭ تەڭدىگى تۋرالى تالاپتارىن ساقتاۋ ماقساتىندا «تىنىشتىق رەجيمىن» ساقتاۋ بويىنشا ۋاقىت بارلىعى ءۇشىن بىردەي بولىپ بەلگىلەندى - جۇمىس كۇندەرى ساعات 22:00 دەن تاڭعى 9 عا دەيىن، دەمالىس جانە مەرەكە كۇندەرى ساعات 23:00 دەن تاڭعى 10 عا دەيىن» ، - دەدى دەپۋتات اتالعان زاڭ جوباسى بويىنشا بايانداماسىندا. بۇدان بۇرىن حابارلانعانداي، «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ەكىنشى وقىلىمدا ماقۇلداندى.