مۇعالىمدەردىڭ 21-تامىزدا بىلىكتىلىك تەستىلەۋى باستالادى

استانا. قازاقپارات - 15-20-تامىز ارالىعىندا app.testcenter.kz سايتىندا پەداگوگتەردىڭ ءبىلىمىن باعالاۋعا ءوتىنىش قابىلدانادى.

تەستىلەۋدىڭ ءوزى 21-28-تامىز ارالىعىندا وتەدى، دەپ حابارلايدى قازاقپارات.

بۇل تەستىلەۋگە كىمدەر قاتىسا الادى:

- مەكتەپكە دەيىنگى تاربيە مەن وقىتۋ ۇيىمدارىنىڭ پەداگوگتەرى؛

- ءبىلىم بەرۋ ۇيىمدارىنىڭ ادىسكەرلەرى (ادىستەمەلىك كابينەتتەردىڭ (ورتالىقتاردىڭ) ادىسكەرلەرىنەن باسقا)؛

- جالپى ورتا ءبىلىم بەرۋ ۇيىمدارىنىڭ پەداگوگتەرى؛

- قوسىمشا ءبىلىم بەرۋ ۇيىمدارىنىڭ (ينتەرناتتىق ۇيىمداردىڭ، جاتاقحانالاردىڭ تاربيەشىلەرى، ارنايى ۇيىمداردىڭ تاربيەشىلەرى ءۇشىن) پەداگوگتەرى؛

- ءبىلىم بەرۋ ۇيىمدارىنىڭ، ادىستەمەلىك كابينەتتەردىڭ (ورتالىقتاردىڭ) باسشىلارى؛

- تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ ۇيىمدارىنىڭ ( جالپى ءبىلىم بەرەتىن پاندەر بويىنشا، سونداي-اق جالپى كاسىپتىك جانە ارنايى، جالپى گۋمانيتارلىق جانە الەۋمەتتىك- ەكونوميكالىق پاندەر بويىنشا) پەداگوگتەرى؛

- پەداگوگيكالىق باعىتتار بويىنشا ج و و جانە كوللەدج ءبىتىرۋشى تۇلەكتەر (باكالاۆريات- كۇندىزگى، باكالاۆريات- قىسقارتىلعان، ماگيستراتۋرا)؛

- پەداگوگيكالىق (ماماندىقتار) باعىتتار بويىنشا تەحنيكالىق جانە كاسىپتىك، جوعارى جانە/نەمەسە جوعارى وقۋ ورنىنان كەيىنگى ءبىلىمى بار، تاجىريبەسى جوق كانديداتتار (ونىڭ ىشىندە 2022 -جىلعى تۇلەكتەر)؛

- پەداگوگيكالىق قىزمەتتى قايتا جالعاستىرعىسى كەلەتىن تۇلعالار.