08:23, 22 - اقپان 2017 | GMT +5
قىتايدا كاسىپورىندا بولعان جارىلىستان ءۇش ادام قازا تاۋىپ، 21 ى جارالاندى
استانا. قازاقپارات - لياۋنيڭ پروۆينسياسىندا (سولتۇستىك شىعىس قىتاي) ورنالاسقان كاسىپورىندا بولعان جارىلىس ءۇش ادامنىڭ قازا تابۋىنا جانە 21 ىنىڭ جاراقات الۋىنا سوقتىردى.
بۇل تۋرالى ورتالىق قىتاي تەلەۆيدەنيەسى حابارلادى.
كەلەڭسىز جاعداي 21 -اقپان كۇنى كەشقۇرىم جارىلعىش زاتتار ساتاتىن كومپانيانىڭ عيماراتىندا بولدى. وقيعا ورنىندا قۇتقارۋشىلار جۇمىس ىستەپ جاتىر. زارداپ شەگۋشىلەردىڭ ناقتى سانى انىقتالۋدا، سەبەپ- سالدارىن تەرگەۋ باستالدى.
