جىل سايىن قازاقستاندا ماماندىعى جوق 21 مىڭ ادام جۇمىسقا ورنالاسادى

استانا. قازاقپارات - جىل سايىن قازاقستاندا 21 مىڭ ادام ماماندىقسىز-اق جۇمىسقا ورنالاسادى. بۇل تۋرالى بۇگىن و ك ق وتكەن باسپا ءسوز ءماسليحاتىندا ق ر ءبىلىم جانە عىلىم ۆيتسە-ءمينيسترى بيبىگۇل اسىلوۆا ءمالىم ەتتى، دەپ حابارلايدى قازاقپارات.

«ءبىز سوڭعى 3 جىلدا مەكتەپ بىتىرگەن تۇلەكتەردىڭ ۇلەسىن تالداپ كوردىك. وسى ارالىقتا 9 سىنىپتان كەيىن تۇلەگەن وقۋشىلار سانى 220 مىڭ بولسا، 135 مىڭ تۇلەك مەكتەپتە قالادى، ولار جوعارى وقۋ ورىندارىنا تۇسۋگە نيەتتەنەدى. 85 مىڭ ادام كوللەدجدەرگە 9 -سىنىپتان كەيىن، 33 مىڭ ادام 11 -سىنىپتان كەيىن بارادى. ءوز كەزەگىندە 21 مىڭ ادام جىل سايىن ماماندىقسىز جۇمىسقا ورنالاسادى»، - دەپ اتاپ ءوتتى ۆيتسە-مينيستر.

ونىڭ مالىمەتتەرى بويىنشا، قازاقستاندا 807 كوللەدج بار. وندا 499 مىڭ ادام وقىپ جاتىر. ولاردىڭ ىشىندە 98 مىڭ ستۋدەنت - جۇمىسشى ماماندىقتارى بويىنشا ءبىلىم الۋدا. بۇل شامامەن ستۋدەنتتەردىڭ تەك 20 پايىزى. 242 ستۋدەنت مەملەكەتتىك تاپسىرىسپەن ماماندىق الىپ جاتسا، اقىلى نەگىزدە 257 ادام وقىتىلۋدا.