بيىل قازاقستاندا جول اپاتى سالدارىنان 21 مىڭ ادام زارداپ شەكتى
ق ر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى مالىمەتىنە قاراعاندا، بيىلعى جىل ەلىمىزدىڭ جولدارىندا 14728 جول-كولىك وقيعاسى بولىپ، وندا 21070 ادام زارداپ شەككەن، ونىڭ ىشىندە 1958 ادام كوز جۇمدى.
ج ك و سالدارىنان 3587 كامەلەتكە تولماعان بالا جاراقات الىپ، ولاردىڭ 195 ى قازا تاپتى. جول اپاتتارىنىڭ سەبەپتەرى وزگەرمەگەن، جالپى ج ك و- نىڭ باسىم بولىگى جۇرگىزۋشىلەردىڭ كىناسىنەن ورىن الدى، ونىڭ ىشىندە 505 ى الكوگولدىك جانە ەسىرتكىلىك ماس كۇيىندە بولدى.
«قوعامدىق كولىكتىڭ قاتىسۋىمەن 885 ج ك و بولىپ، وندا 79 ادام قازا بولدى، 1240 ى جاراقاتتاندى. 594 جاعدايدا اۆتوبۋس جۇرگىزۋشىسىنىڭ كىناسىنەن، ونىڭ 6 سى ج ك و بولعان كەزدە الكوگولدىك ماس كۇيىندە بولعان»، - دەلىنگەن كوميتەت حابارلاماسىندا.
ج ك و- نىڭ 30 پايىزى الماتى قالاسىندا ورىن الىپ وتىر. اپاتتىلىق جاراقاتتانۋدىڭ ءوسۋى وسى جىلى جامبىل جانە الماتى وبلىستارىندا بايقالدى. ادامداردىڭ ومىرىنە جانە دەنساۋلىعىنا سالدارىن تيگىزگەن ج ك و فاكتىلەرىنىڭ ازايۋى اتىراۋ، ماڭعىستاۋ، سولتۇستىك قازاقستان وبلىستارىندا تىركەلدى.
