ك. ءماسىموۆ: «ءبىر بەلدەۋ، ءبىر جول» جوباسى 21 - عاسىرداعى ەڭ ءىرى جوبالاردىڭ بىرىنە اينالادى
«جىبەك جولى تەك ساۋدا- ساتتىقتى عانا دامىتىپ قويعان جوق. ول سول كەزەڭدەگى الدىڭعى قاتارلى تاجىريبەنىڭ، جەتىستىكتەر مەن ءبىلىمنىڭ الماسۋىن ىنتالاندىرىپ، عاسىرلار بويى ۇلكەن ەۋرازياداعى بەيبىتشىلىك پەن سۇحباتتاستىقتىڭ نىعايۋىنا سەپتىگىن تيگىزدى. سوڭعى ونجىلدىق بويى ازيانىڭ دامۋى ازيالىق ءوڭىر ىشىندەگى، سونىمەن بىرگە ازيانىڭ ەۋروپامەن جانە امەريكامەن بارىنشا تىعىز ءوزارا ءىس- قيمىلىنىڭ قاجەتتىگىن كورسەتتى»، - دەدى ك. ءماسىموۆ.
وسى رەتتە ول 2012 - جىلدىڭ قىركۇيەگىندە استاناعا ساپارمەن كەلگەن قىتاي ءتوراعاسى شي جينپيڭ نازاربايەۆ ۋنيۆەرسيتەتىندە ءدارىس وقۋى بارىسىندا «ءبىر بەلدەۋ، ءبىر جول» جوباسىن قۇرۋ يدەياسىن ۇسىنعانىن جانە ونى ساياسات، ساۋدا، كولىك، قارجى جانە ادام ولشەمدەرى نەگىزىندە دامىتۋدى ۇسىنعانىن اتاپ ءوتتى.
وسى ءسوز سويلەۋ بارىسىندا: «قازاقستان پرەزيدەنتى بۇل يدەياعا بىردەن قولداۋ كورسەتتى جانە ءبىز ونى دامىتا باستادىق. مەنىڭشە، «ءبىر بەلدەۋ، ءبىر جول» جوباسى 21 - عاسىرداعى ەڭ ءىرى جوبالاردىڭ بىرىنە اينالادى. ول جەر شارى حالقىنىڭ تورتتەن ءۇشىن بايلانىستىرىپ، بىرىكتىرەدى. جاڭا ترانسشەكارالىق الىس- بەرىسكە، ينۆەستيتسيالىق جانە ىسكەرلىك ىنتىماقتاستىققا سەپتىگىن تيگىزەتىن ءوزارا ءىس- قيمىل مەن كووپەراتسيانىڭ مۇلدەم وزگە جۇيەسىن قۇرادى. دەمەك، ءبىزدىڭ ەلدەرىمىزدىڭ ءارتاراپتاندىرا تۇسەدى»، - دەدى ق ر ۇكىمەت باسشىسى.
اۆتور: مارلان جيەمباي
