قازاقستان «الەم. 21- عاسىر» مانيفەسىندە ۇسىنىلعان قادامداردىڭ تيىمدىلىگىن ىسپەن دالەلدەپ كەلەدى - ا. بيجانوۆ

استانا. قازاقپارات - قازاقستان «الەم. XXI عاسىر» مانيفەسىندە ۇسىنىلعان قادامداردىڭ تيىمدىلىگىن سوزبەن ەمەس، ىسپەن دالەلدەپ كەلەدى.

بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ق ر پارلامەنتى سەناتىنىڭ دەپۋتاتى اقان بيجانوۆ ءمالىم ەتتى.

ونىڭ ءسوزى بويىنشا، 21- عاسىردىڭ باسى مەملەكەتتەر مەن دىندەر اراسىنداعى قارىم-قاتىناستىڭ قاتتى ۋشىعىپ كەتۋىمەن ەستە قالىپ وتىر. بارلىق قاقتىعىستار ەتنيكالىق، ءدىني، ۇلتتىق ارازدىقتان جانە اۋماقتىق شەكىسۋلەردەن تۋىنداپ وتىر. وسى جانە وزگە دە قاۋىپ-قاتەرلەر ق ر پرەزيدەنتىنىڭ الەم حالىقتارىنا باعدارلامالىق قۇجاتتى ۇسىنۋىنا تۇرتكى بولدى جانە ول قۇجات ب ۇ ۇ باس اسسامبلەياسىنىڭ رەسمي قۇجاتىنا اينالدى.

«قازاقستان «الەم. XXI عاسىر» مانيفەسىندە ۇسىنىلعان قادامداردىڭ تيىمدىلىگىن سوزبەن ەمەس، ىسپەن دالەلدەپ كەلەدى. مەن قازاقستان ۇسىنعان مانيفەستتىڭ نەگىزگى تەزيستەرى ب ۇ ۇ- نىڭ 2045-جىلعا دەيىنگى عالامدىق ستراتەگيالىق باستامالار جوسپارىندا كورىنىس تاباتىنىنا سەنەمىن»، - دەدى ا. بيجانوۆ.

ەسكە سالا كەتسەك، نۇرسۇلتان نازاربايەۆ 2016-جىلى 31- ناۋرىز بەن 1- ساۋىردە ۆاشينگتوندا يادرولىق قاۋىپسىزدىك جونىندەگى IV عالامدىق سامميتتىڭ جۇمىسىنا قاتىستى. قازاقستان پرەزيدەنتى ول جيىندا «الەم. XXI عاسىر» مانيفەسىن جاريا ەتكەن بولاتىن.

اۆتور: جاسۇلان جولدىبايەۆ