00:14, 10 - قاڭتار 2015 | GMT +5
شىمكەنتتە اۋانىڭ تەمپەراتۋراسى 21 گرادۋس جىلىلىقتى كورسەتتى
استانا. قازاقپارات - شىمكەنتتە اۋانىڭ تەمپەراتۋراسى 21 گرادۋس جىلىلىقتى كورسەتتى. بۇل سوڭعى جىلدارى قاڭتاردا بولماعان رەكوردتىق كورسەتكىشتىڭ ءبىرى ەكەن.
قالا كوشەلەرىنەن كوكتەمنىڭ لەبى بايقالعانداي. اعاشتار كوكتەۋدىڭ الدىندا تۇر. مۇنداي جىلىلىق شىمكەنتتە 1996 - جىلى بولعانى تىركەلىپتى. سىرت كيىمدەرىن قولىنا العان ادامدار كوپتەپ كەزدەستى. ءتىپتى كەيبىر ازاماتتار تۋفليگە كوشىپتى. الايدا، بۇل ۋاقىتشا نارسە. سينوپتيكتەر الداعى كۇندەرى اۋانىڭ سالقىندىعى قايتا كەلەتىنىن ايتادى.
ماقسات تولەڭگىتوۆ، ينجەنەر- سينوپتيك:
شىمكەنت قالاسىندا بۇگىنگى تاڭدا ەڭ جوعارعى كورسەتكىش 21 گرادۋستى كورسەتتى. وبلىس اۋماعىندا 12-17 گرادۋس بولدى. ەڭ ىستىق اۋا تەمپەراتۋراسى شىمكەنت قالاسىندا تىركەلدى.
«31-ارنا»
