ەل تۇرعىندارىنان 215 ميلليون تەڭگە جيناپ العان قارجى پيراميداسىنىڭ باسشىلارىنا سوت ۇكىمى شىقتى

استانا. قازاقپارات - استانا قالاسىندا قارجى (ينۆەستيتسيالىق) پيراميداسىن قۇرۋ جانە باسقارۋ فاكتىسى بويىنشا «Sincere Systems» ج ش س باسشىلىعىنا قاتىستى سوت ۇكىمى شىقتى، دەپ حابارلايدى قازاقپارات ق ر قارجىلىق مونيتورينگ اگەنتتىگىنىڭ باسپا ءسوز قىزمەتىنە سىلتەمە جاساپ.
None
Видеодан алынған кадр t.me/afm_rk

باسپا ءسوز قىزمەتىنىڭ مالىمتتەرىنە قاراعاندا، اتالعان ج ش س 2020 -جىلدان بەرى جۇمىس ىستەپ كەلەدى جانە كريپتوۆاليۋتا بيرجالارىمەن ىنتىماقتاساتىن كومپانيانىڭ اتىن جامىلىپ، ازاماتتاردان قاراجات جيناپ كەلدى.

سالىمشىلاردىڭ سانىن كوبەيتۋ ءۇشىن ويدان شىعارىلعان جوبالارعا ينۆەستيتسيا سالۋ مۇمكىندىگى قاراستىرىلدى.

كليەنتتى ينۆەستيتسيانىڭ قاۋىپسىز ەكەندىگىنە سەندىرۋ ءۇشىن ID بەرۋ ارقىلى كليەنتتىڭ جەكە كابينەتى تىركەلگەن، سالىمعا تەڭ ۆيرتۋالدى قاراجاتپەن تولىقتىرۋ مۇمكىندىگى بار ۆەب-سايت قۇرىلدى.

ازاماتتاردان جينالعان قاراجات كولەمى 215 ميلليون تەڭگەنى قۇرادى.

سوت ۇكىمىمەن «Sincere Systems» ج ش س باسشىسى 5 جىلعا ينۆەستيتسيالىق قىزمەتپەن اينالىسۋعا تىيىم سالىنىپ، 6 جىلعا شارتتى تۇردە باس بوستاندىعىنان ايىرىلدى.

سوڭعى جاڭالىقتار