بيىل ەل تۇرعىندارىن تازا اۋىز سۋمەن قامتۋعا 215 ميلليارد تەڭگە جۇمسالادى

«سۋمەن قامتاماسىز ەتۋ دەڭگەيىن ارتتىرۋ ءۇشىن كورسەتكىشتەرى تومەن جانە كوش سوڭىندا قالعان وڭىرلەرگە باسىم نەگىزدە قاراجات بولىنەدى. وسى جىلى بۇل ماقساتتارعا ناقتىلاۋدى ەسكەرە وتىرىپ، رەسپۋبليكالىق بيۋدجەتتەن 215 ميلليارد تەڭگە كوزدەلگەن. ونىڭ ىشىندە قالالاردا - 120 ميلليارد تەڭگە جانە اۋىلدىق ەلدى مەكەندەردە - 95 ميلليارد تەڭگە. بۇل جىل قورىتىندىسىندا قالا حالقىنىڭ 98,5 پايىزىن، ال اۋىل حالقىنىڭ 94,7 پايىزىن سۋمەن جابدىقتاۋ قىزمەتتەرىمەن قامتاماسىز ەتۋگە مۇمكىندىك بەرەدى»، - دەدى مينيستر.
قايىربەك وسكەنبايەۆتىڭ دەرەگىنشە، ەلىمىز بويىنشا بارلىعى 6302 اۋىلدىق ەلدى مەكەن بار، ونىڭ ىشىندە 4759-ى سۋمەن جابدىقتاۋ قىزمەتتەرىمەن قامتىلعان.
«اتالعان قىزمەت تۇرىمەن قامتاماسىز ەتىلمەگەن اۋىلداردىڭ 511-ىندە ورتالىقتاندىرىلعان سۋ جۇيەسىمەن جابدىقتاۋ جونىندەگى قۇرىلىس جۇمىستارىن جالعاستىرۋ جوسپارلانىپ وتىر. ال حالىق سانى از ءبىر مىڭنان استام اۋىلدا جەرگىلىكتى بيۋدجەت قاراجاتى ەسەبىنەن كەشەندى بلوك- مودۋلدەر ورناتىلادى. ونىڭ ىشىندە وسى جىلى 120 اۋىلدىڭ تۇرعىندارىن ورتالىقتاندىرىلعان سۋ جۇيەسىمەن قامتاماسىز ەتۋ جانە حالىق سانى از 220 اۋىلدا كەشەندى بلوك- مودۋل ورناتۋ جوسپارلانعان»، - دەدى ول.
اۆتور: مارلان جيەمباي