قازاقستاندىق 21 جاستاعى بوكسشى 146 كەلى قارسىلاسىن ءبىرىنشى راۋندتا قۇلاتتى

نۇر-سۇلتان. قازاقپارات - سۋپەراۋىر سالماقتا جۇدىرىقتاساتىن 21 جاستاعى قازاقستاندىق دانيلا سەمەنوۆ (3-0، 2KO) نوۆوسيبيرسكتە وتكەن Boxing Night 5 شوۋىنداعى جەكپە-جەكتە جەڭىسكە جەتتى، دەپ حابارلايدى Vesti.kz.

التى راۋندتى ايقاستا ول 42 جاستاعى افريكالىق وسبورن ماتيمانامەن (23-14-2، 17 KO) كەزدەسىپ، ءبىرىنشى راۋندتا-اق قارسىلاسىن قۇلاتتى، وسىدان كەيىن وسبورن ورنىنان تۇرمادى.

ەسكە سالايىق، سالماق ولشەۋ راسىمىندە دانيلا سەمەنوۆ تارازىدا 105,6، ال وسبورن ماتيمانا - 146,0 كەلى كورسەتكەن.

ايتا كەتەيىك، بۇل بوكس كەشىندە قازاقستاندىق ازيا چەمپيونى بەك نۇرماعانبەت تە تورەشىلەر شەشىمىمەن جەڭىسكە جەتتى.