15:40, 02 - ماۋسىم 2023 | GMT +6
استانادا سالىق ورگاندارىنىڭ شەنەۋنىگى 20 ميلليون تەڭگە پارا الدى دەگەن كۇدىكپەن قاماۋدا وتىر
استانا. قازاقپارات - سىبايلاس جەمقورلىققا قارسى قىزمەت استانا قالاسى بويىنشا مەملەكەتتىك كىرىستەر دەپارتامەنتىنىڭ ءبولىم باسشىسىنا قاتىستى تەرگەۋدى اياقتادى، دەپ حابارلايدى قازاقپارات.
ول 2022 -جىلدىڭ جەلتوقسانىندا كۆازيمەملەكەتتىك كاسىپورىنعا جۇرگىزىلىپ جاتقان تەكسەرۋ بويىنشا سالىقتى قوسىمشا ەسەپتەۋ سوماسىن تومەندەتكەنى ءۇشىن 20 ميلليون تەڭگە كولەمىندە پارا العان.
تەرگەۋ سوتىنىڭ سانكسياسىمەن كۇدىكتى قاماۋدا.
قازىرگى ۋاقىتتا استانا قالاسىنىڭ پروكۋراتۋراسى ايىپتالۋشىنى سوتقا بەردى.
ق ر ق پ ك 201-بابىنا سايكەس تەرگەۋ مۇددەسى ءۇشىن وزگە اقپارات جاريا ەتۋگە جاتپايدى.