ديماشتىڭ 20 ميلليون دوللاردىڭ ساعاتىن تاعۋى الەۋمەتتىك جەلىنى شۋلاتتى

استانا. قازاقپارات - تالاي ارۋدىڭ جۇرەگىن جاۋلاعان ديماش ادىلەت ءوز وقىرماندارىنا الەمدەگى ەڭ قىمبات ساعاتتاردىڭ ءبىرىن كورسەتتى.

مۇنداي مالىمەتتى Press.kz پورتالى جاريالادى.

تانىمال ينستابلوگەر، «ت ن ت- داعى بويداقتار» شوۋىنىڭ قاتىسۋشىسى ديماش ادىلەت بىرنەشە جىلدان بەرى جەنەۆادا تۇرادى. ديماش الەۋمەتتىك جەلىدەگى پاراقشاسىندا جەنەۆاداعى Watches جانە Wonders ساعات يندۋسترياسىنىڭ ەڭ ۇلكەن ءىس-شاراسىنا قاتىسقانىن ايتتى. كورمەگە ارنايى بارعان ديماش ءوز وقىرماندارىنا قولىنا تاققان 20 ميلليون دوللارعا باعالانعان ساعاتتى كورسەتۋدى ۇمىتپادى. تانىمال بلوگەر ساعاتتىڭ كىمگە تيەسىلى ەكەنىن جازبادى، دەسە دە وقىرماندارى ونى سىناپ، بۇلاي ماقتانعانشا ءوز ەلىڭدەگى مۇقتاج جاندارعا كومەكتەسكەنىڭ ارتىق ەدى دەپ جازدى.

«ساعات الەمىنىڭ بارلىق تاڭعاجايىپ جاڭالىقتارىن كورۋ قىزىقتى بولدى. جيىندا ءبىرازدان بەرى كورمەگەن دوستارىممەن جۇزدەسكەنىمە قۋانىشتىمىن! بيىلعى جىلى كوپتەگەن ەرەكشە ساعات شىعارىلدى. الايدا ەڭ جارقىن جانە ەڭ قىمبات ساعات دەپ Jacob جانە Co Billionaire Timeless Treasure كومپانياسىنىڭ 20 ميلليون دوللارلىق Piece Unique (جالعىز داناسى) برەندىن ايتامىن. ونى ءسىز مەنىڭ قولىمنان كورىپ تۇرسىز. ساعات 425 سارى گاۋھارمەن بەزەندىرىلگەن (سالماعى 217 كارات)، - دەدى ديماش.

حەيتەرلەر بۇل جازبانىڭ استىنا ءتۇرلى پىكىر قالدىرۋدان قايمىقپادى: «بۇل ساعات ماعان التىن دارەتحانانى ەسكە ءتۇسىردى»، «الەمدە كوپتەگەن پروبلەما بولعان كەزدە ءبىز ساعاتتاردى تالقىلاعانىمىز قىزىق. بىرەۋدىڭ قولىنداعى قىمبات ساعات - بىرەۋدىڭ ءومىرىن قۇتقارۋ دا مۇمكىن»، «مەنىڭ 20 مىڭ تەڭگەلىك ساعاتىم ءسىزدىڭ 20 ميلليون دوللارلىق ساعاتىڭىزبەن بىردەي ۋاقىتتى كورسەتەدى» دەپ جازدى.