جىل سايىن 20 مىڭعا جۋىق ادام قازاقستان ازاماتتىعىن الۋعا نيەت بىلدىرەدى
ىشكى ىستەر مينيسترلىگىندە وتكەن بريفينگىدە ۆەدومستۆو وكىلى شۇعىلا تۇرلىبەك وسىلاي ءمالىم ەتتى، دەپ حابارلايدى قازاقپارات ءتىلشىسى
«تاۋەلسىزدىك جىلدارى 1 ميلليوننان استام ادام قازاقستان ازاماتتىعىن الدى. ال وتكەن جىلى 22 مىڭ ادام، ونىڭ ىشىندە ق ر پرەزيدەنتىنىڭ جارلىعىمەن – 1375، جەڭىلدەتىلگەن تارتىپپەن - 20 مىڭنان استام ادام ازاماتتىق الدى. ونىڭ ىشىندە 17,6 مىڭنان استامى قانداس مارتەبەسىن الدى. ال 1287 ى قازاقستان، بەلارۋس، قىرعىزستان جانە رەسەي اراسىنداعى ازاماتتىققا قابىلداۋدىڭ جەڭىلدەتىلگەن ءتارتىبى تۋرالى كەلىسىم بويىنشا، تاعى 1777 ى تۇرمىسقا شىققان ايەلدىڭ ازاماتتىعى تۋرالى كونۆەنسيا بويىنشا ازاماتتىق الدى»، - دەيدى شۇعىلا تۇرلىبەك.
مينيسترلىك ب ۇ ۇ-نىڭ قازاقستانداعى وكىلدىگىمەن بىرلەسىپ، 2 جىل ىشىندە قۇجاتى جوق جانە ازاماتتىعى بەلگىسىز ادامداردى انىقتاۋ جانە تىركەۋ بويىنشا كەڭ اۋقىمدى اكسيا وتكىزگەن.
ونىڭ ناتيجەسىندە 8 مىڭنان استام ادام انىقتالىپتى.
ونىڭ ىشىندە 5 مىڭ ادام قازاقستان ازاماتى ەكەنىن راستاپ، كۋالىك راسىمدەسە، 3 مىڭنان استامىنا ازاماتتىعى جوق تۇلعانىڭ كۋالىگى بەرىلگەن.
