جالعان كومپانياعا 20 ميلليون تەڭگە سالعان ەلوردالىق اقشاسى مەن پاتەرىنەن ايىرىلدى

None
استانا. قازاقپارات - وتكەن جىلى 1750 قازاقستاندىق الاياقتارعا الدانىپ، جالعان ينۆەستيتسيالىق كومپانيالارعا اقشا سالعان.

بۇل تۋرالى ىشكى ىستەر مينيسترلىگىنىڭ بريفينگىسىندە كريمينالدىق پوليتسيا دەپارتامەنتى باستىعىنىڭ ورىنباسارى ارمان ورازاليەۆ ايتتى، دەپ حابارلايدى قازاقپارات ءتىلشىسى.

«بۇگىنگى تاڭدا الەۋمەتتىك جەلىلەردە، جالپى عالامتور جەلىسىندە ۇلتتىق كومپانيالاردىڭ اتىنان ينۆەستيتسيا سالىمدارى تۋرالى حابارلاندىرۋلار تارالۋدا. سونىمەن قاتار، ازاماتتار وسى الاياقتىق ينۆەستيتسيالارعا اقشالارىن كوبەيتۋ ءۇشىن نەسيەلەر راسىمدەگەن. جەڭىل اقشانى ىزدەگەندەر جيناقتارىنان ايىرىلدى. مىسالى، 16- قاڭتاردا ەلوردا تۇرعىنى پوليتسياعا جۇگىندى. ول جۇمىس ىستەمەيتىن ينۆەستيتسيالىق كومپانياعا 20 ميلليون تەڭگە سالىپ، ءوز اقشاسىنان جانە پاتەرىنەن ايىرىلىپ قالعان»، - دەپ ءمالىم ەتتى ارمان ورازاليەۆ.

پوليتسيا وكىلى ينۆەستيتسيالىق سالىم جاساۋ تۋرالى شەشىم قابىلداماس بۇرىن، ينتەرنەتتە ورنالاسقان كومپانيالاردىڭ رەسمي وكىلدەرىنە حابارلاسۋ قاجەت ەكەنىن اتاپ ءوتتى.

«قازاقستاندا بيرجا سالاسىندا ليسەنزياسى بار بروكەرلەر مەن ديلەرلەر ارقىلى عانا ساۋدا جاساۋ قاجەت. اتالعان ينۆەستيتسيالىق قىزمەتىن ق ر قارجى نارىعىن رەتتەۋ جانە دامىتۋ اگەنتتىگىنىڭ اتىنان ۋاكىلەتتى ورگان رەتتەيدى. بروكەرلىك نەمەسە ديلەرلىك قىزمەتتى جۇزەگە اسىراتىن ۇيىمداردىڭ ليتسەنزياسىنىڭ بولۋىن رەسمي GOV. KZ سايتى ارقىلى تەكسەرۋگە بولادى. قازىرگى تاڭدا قازاقستاندا 38 بروكەرلەرمەن قىزمەت كورسەتۋدە. سوندىقتان كەز كەلگەن سايتتاردا شىعاتىن جارناما سىلتەمەلەرگە كىرىپ دەربەس دەرەكتەردى ەنگىزۋگە بولمايدى»، - دەپ ەسكەرتتى ارمان ورازاليەۆ.

قوسا كەتەيىك، بىلتىر ەلىمىزدە 20 مىڭنان اسا ينتەرنەت- الاياقتىق قىلمىسى تىركەلگەن.

اۆتور

ءاليحان اسقار

سوڭعى جاڭالىقتار