الماتىدا دارىگەردى اتىپ ولتىرگەن پاتسيەنت 20 جىلعا تۇرمەگە قامالۋى مۇمكىن

None
الماتى. قازاقپارات - الماتىدا گاستروەنتەرولوگ يۋري شۋمكوۆتى اتىپ ءولتىرۋ ءىسى بويىنشا سوت وتىرىسى اياقتالۋعا جاقىن، دەپ حابارلايدى قازاقپارات ءتىلشىسى.

بۇگىنگى وتىرىستا پروكۋرور 35 جاستاعى ت. -نى بىرنەشە باپ بويىنشا كىنالى دەپ تانىپ، ونى 20 جىلعا باس بوستاندىعىنان ايىرۋدى جانە جازانى قىلمىستىق-اتقارۋ جۇيەسىنىڭ قاۋىپسىزدىگى بارىنشا جوعارى مەكەمەسىندە وتەۋىن تاعايىنداۋدى سۇرادى.

سونىمەن قاتار مەملەكەتتىك ايىپتاۋشى سوتتالۋشىنى مارقۇمنىڭ وتباسىنا ماتەريالدىق جانە مورالدىق شىعىندى وتەۋگە مىندەتتەۋ قاجەت دەپ ەسەپتەيدى.

ءوز كەزەگىندە سوتتالۋشى كىسى ولتىرگەنىن مويىندادى.

بۇعان دەيىن پوليتسيا دەپارتامەنتىنىڭ پاترۋلدىك پوليتسيا پولكىنىڭ قىزمەتكەرى مەن تاكسي جۇرگىزۋشىسىنەن جاۋاپ الىنعان بولاتىن.

كەيىن ايىپتالۋشى ت. دارىگەر يۋري شۋمكوۆتىڭ تۋىستارىنان كەشىرىم سۇرادى.

ەسكە سالايىق، 2022-جىلدىڭ 4- ءساۋىرى كۇنى الماتىدا پاتسيەنت ت. دارىگەر يۋ. شۋمكوۆتى اڭشى مىلتىعىنان اتىپ ولتىرگەن بولاتىن. اسا اۋىر قىلمىس قالانىڭ بوستاندىق اۋدانىندا بولدى. كۇدىكتىنى پوليتسەيلەر الاتاۋ اۋدانى اۋماعىندا ۇستادى.

كەيىن ق ر دەنساۋلىق ساقتاۋ ءمينيسترى اجار عينيات يۋري شۋمكوۆ پەن پاتسيەنت اراسىندا قانداي دا ءبىر جانجال بولماعانىن ايتتى.

سوڭعى جاڭالىقتار