«باقىتتى وتباسى» باعدارلاماسىنا ءوتىنىم قابىلداۋ 20- ماۋسىمدا باستالادى
«اتالعان باعدارلاماعا كوپبالالى وتباسىلار، ەرەكشە قاجەتتىلىگى بار بالا تاربيەلەپ وتىرعان جانە تولىق ەمەس وتباسى (اجىراسقان ۋاقىتى 3 جىلدان كەم بولماۋى ءتيىس) ساناتىنا جاتاتىن مەملەكەتتىك پاتەر كەزەگىنە تۇرعان وتباسى بانكىنىڭ سالىمشىلارى قاتىسا الادى»، - دەپ حابارلايدى بانكتەن.
قارجى ۇيىمى تاراتقان اقپاراتقا سايكەس، ءوتىنىم otbasybank.kz سايتى ارقىلى قابىلدانادى. ياعني بانككە نەمەسە اكىمدىككە بارۋدىڭ قاجەتى جوق.
ەسكە سالا كەتسەك، بۇعان دەيىن «باقىتتى وتباسى» باعدارلاماسىنا ءوتىنىم قابىلداۋدىڭ كەيىنگە شەگەرىلگەنىن حابارلاعان ەدىك.
«وتباسى بانكىنىڭ» باسقارما ءتوراعاسى ءلاززات يبراگيموۆا كەلتىرگەن دەرەككە سايكەس اتالعان تۇرعىن ءۇي باعدارلاماسىن جۇزەگە اسىرۋعا 51 ميلليارد تەڭگە بولىنگەن. سونداي-اق 5 مىڭعا جۋىق وتباسى باسپانالى بولادى دەپ كۇتىلىپ وتىر.
