قازاقستاندا ماشينا جاساۋ سالاسىندا 20-دان استام جوبا ىسكە اسىرىلادى

يندۋستريا جانە ينفراقۇرىلىمدىق دامۋ ۆيتسە- ءمينيسترى مارات قارابايەۆ، «قازاقستان ماشينا جاساۋشىلار وداعى» ز ت ب باسقارما ءتوراعاسى مەيرام پىشەمبايەۆ، «قازەنەرگوكابەل» ا ق باس ديرەكتورى ۆلاديمير بوبروۆ جانە «لوكوموتيۆ قۇراستىرۋ زاۋىتى» ا ق پرەزيدەنتى مارات تىلەۋبايەۆ بايانداما جاسادى.
ماشينا جاساۋ سالاسىندا 3 مىڭعا جۋىق كاسىپورىن بار، 115 مىڭ ادام جۇمىسپەن قامتىلعان. وڭدەۋ ونەركاسىبى ءوندىرىسىنىڭ جالپى كولەمىندە (16,8 تريلليون تەڭگە) ماشينا جاساۋعا %14 ى تيەسىلى. سالانىڭ ەڭ ءىرى سەكتورلارىنىڭ ءبىرى - اۆتوموبيل جاساۋ - %33,1.
الداعى جىلدارى ەلىمىزدە قۇراستىرىلاتىن اۆتوموبيلدەردىڭ مودەلدىك قاتارىن كەڭەيتۋ، سونداي-اق اۆتوكومپونەنتتەر (بامپەرلەر، ورىندىقتار، اۆتوموبيل شىنىسى، پلاستيكتەن جاسالعان بولشەكتەر، شينالار، ت. ب) ءوندىرىسىن رەتكە كەلتىرۋ جوسپارلانىپ وتىر. كەڭەس بارىسىندا سالانىڭ وزەكتى ماسەلەلەرى دە قارالدى.
ماسەلەن، بۇگىنگى تاڭدا قازاقستاندا ت/ج جانە ەلەكتروتەحنيكالىق ماشينا جاساۋ سالالارىندا اككرەديتتەلگەن زەرتحانالار جوق، سونىمەن قاتار كابەلدىك- وتكىزگىش ونىمدەر بويىنشا ۇلتتىق ستاندارتتى ازىرلەۋ قاجەت.
بۇعان قوسا، اۋىل شارۋاشىلىعى تەحنيكاسىن شىعارۋ سالاسىندا ءوندىرىستىڭ تولىق تىزبەگىن قۇرۋ ءۇشىن كاسىپورىندار اراسىنداعى كووپەراتسيانى رەتتەگەن ءجون، ال جەر قويناۋىن پايدالانۋشىلاردىڭ ساتىپ الۋ پروتسەسى بويىنشا ەل ىشىندەگى قۇندىلىعىن ارتتىرۋ ءۇشىن شارالار قابىلداۋ قاجەت. سونىمەن قاتار سالانىڭ يمپورتتى الماستىرۋ ەسەبىنەن ايتارلىقتاي وسۋگە الەۋەتى بار ەكەنى اتاپ ءوتىلدى، سول سەبەپتى ءتيىستى باعدارلاما شەڭبەرىندە 20-دان استام جوبانى ىسكە اسىرۋ كوزدەلگەن. ماشينا جاساۋدى دامىتۋدىڭ قوسىمشا شارالارى رەتىندە بازالىق وندىرىستەر قۇرۋ (بولات يمپورتىن ازايتۋ) جانە جۇمىس ىستەپ تۇرعان كاسىپورىنداردى شيكىزاتپەن قامتاماسىز ەتۋ، سونداي- اق ونەركاسىپتى دامىتۋ قورىن قارجىلاندىرۋدى كەڭەيتۋ جوسپارلانىپ وتىر.
ق ر پرەمەر-ءمينيسترى قىسقا مەرزىمدە ءاربىر ماسەلە بويىنشا قاجەتتى شارالاردى دايىنداۋ ءۇشىن بارلىق ايتىلعان ۇسىنىستاردى پىسىقتاۋدى تاپسىردى.
«ماشينا جاساۋ سالاسى - ەكونوميكانىڭ قارقىندى دامىپ كەلە جاتقان سەكتورى. يمپورتتى الماستىرۋ، اسىرەسە، ايماقتىق نارىقتارعا ەكسپورتتى كەڭەيتۋدە وراسان زور الەۋەت بار. وسى ورايدا ءبىز اتالعان سالانىڭ سەرپىندى دامۋىنا جاعداي جاساپ، قاجەتتى قولداۋ شارالارىن ىسكە اسىرۋعا ءتيىسپىز»، - دەدى ءاليحان سمايىلوۆ.