جاپونيانىڭ اتامي قالاسىندا كوشكىن ءجۇرىپ، 20 ادام ءىز-ءتۇزسىز جوعالدى

نۇر-سۇلتان. قازاقپارات - سەنبى كۇنى كوشكىن جۇرگەن جاپونيانىڭ سيدزوۋكا پرەفەكتۋراسىنداعى اتامي قالاسىندا كەم دەگەندە ەكى ادام قايتىس بولىپ، 20 ادام ءىز-ءتۇزسىز جوعالدى، دەپ حابارلايدى قازاقپارات Euronews اگەنتتىگىنە سىلتەمە جاساپ.

تابيعي اپات سالدارىنان 10 ءۇي قيراپ، ەلەكتر تاراتۋ سىمدارىنا زاقىم كەلدى. وقيعا ورنىنا ءوزىن-ءوزى قورعاۋ كۇشتەرىنىڭ قۇتقارۋشىلارى مەن ساربازدارى جەتتى. ىزدەۋ جۇمىسى ءجۇرىپ جاتىر.

جاپونيا ۇكىمەتىنىڭ جانىندا اقپارات جيناۋ بويىنشا جەدەل شتاب قۇرىلدى. جاپونيانىڭ ورتالىق جانە شىعىس بولىكتەرىندە بىرنەشە كۇن بويى نوسەر جاڭبىر قۇيىپ تۇر.

بولەك اۋدانداردا سوڭعى ەكى تاۋلىكتە 400-600 م م جاۋىن-شاشىن بولدى. سيدزۋوكا، كاناگاۆا جانە تيبا پرەفەكتۋرالارىنىڭ كەي جەرلەرىنىڭ تۇرعىندارىنا ويپاتتىق اۋداندارداعى سۋ تاسقىنى قاۋپىنەن ەۆاكۋاتسيالاۋ تۋرالى وكىم شىعارىلدى.