نۇر- سۇلتاندا قىلمىستىق توپ 20 ميلليون تەڭگەنىڭ جۇك كولىگىن ۇرلاپ كەتكەن
دەپ حابارلايدى قازاقپارات نۇر- سۇلتان قالاسى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
«102» پۋلتىنە ج ش س ديرەكتورى جۇگىنگەن. ول قۇرىلىس نىسانى اۋماعىنان تۇنگى ۋاقىتتا جۇكتى ءوزى تۇسىرەتىن جۇك كولىگى جوعالىپ كەتكەنىن حابارلاعان. 48 جاستاعى كۇدىكتى بۇرىن اتالعان ج ش س- دا جۇمىس ىستەپ، ءوزىنىڭ جۇك كولىكتەرىن پايدالانۋعا بەرىپ ءجۇرىپ، «SHACMAN» ماركالى جۇك كولىگىن ايداپ اكەتۋدى ويلاستىرعانى انىقتالدى. قىلمىستىق نيەتىن جۇزەگە اسىرۋ ءۇشىن ول دوستارىن ۇرلىققا تارتقان. تۇنگى ۋاقىتتا قۇرىلىس نىسانىنىڭ اۋماعىنا كىرگەن ولار جۇك كولىگىن ۇرلاپ كەتكەن. جۇك كولىگىمەن ءىزىن جاسىرىپ، ۇرلىق جاساۋشىلار وعان ۇقساس باسقا جۇك كولىگىنەن ءنومىر الىپ، ۇرلانعان كولىك ءنومىرىن وزگەرتكەن. پوليتسيا قىزمەتكەرلەرى دەرەۋ قالا ماڭىنداعى بارلىق اۋىلدى ارالاپ، ءىرى كولىك تۇراقتارىن تەكسەرگەن، ءبىراق ودان ناتيجە بولماعان.
«ودان ءارى ىزدەستىرۋ شارالارىن جۇرگىزۋ بارىسىندا پوليتسەيلەر تىنىمسىز جۇمىستىڭ ناتيجەسىندە قىلمىسكەرلەردىڭ ىزىنە تۇسكەن. قاسكۇنەمدەر ولاردان سەزىكتەنىپ، موناستىركا اۋىلىنا جۇك كولىگىن ايداپ اكەتكەنى انىقتالدى. وندا ولار ءبىر اپتا بويى كولىكتى انگاردا ۇستاعان. كەيىننەن كولىك قۇرالى ارقالىق قالاسىنا جەتكىزىلگەن، وندا جۇك كولىگى بولشەكتەلىپ، ءىشىنارا قوسالقى بولشەكتەرى ساتىلعان»، - دەيدى نۇر- سۇلتان قالاسى پ د كريمينالدىق پوليتسيا باسقارماسىنىڭ باسشىسى دميتري دەميدوۆ.
اۆتوكولىك بولشەكتەرىنىڭ جارتىسىن پوليتسيا قىزمەتكەرلەرى ارقالىق قالاسىنىڭ تۇرعىنىنان العان. ول كۇدىكتىلەردىڭ ءوتىنىشى بويىنشا كولىكتى ءىرى اقشالاي سىياقى ءۇشىن بولشەكتەگەن. قازىرگى ۋاقىتتا «SHACMAN» ماركالى جۇك كولىگىن ۇرلاعان كۇدىكتىلەردىڭ بارلىعى ۇستالدى. اتالعان فاكتى بويىنشا قىلمىستىق ءىس قوزعالدى.
اۆتور: اياۋلىم التىنبەك