ەلورداداعى تۇرعىن ءۇيدىڭ 20-قاباتىنان ءورت شىقتى

نۇر-سۇلتان. قازاقپارات - ەلورداداعى بيىك ءۇيدىڭ 20-قاباتىنان ءورت شىقتى، دەپ حابارلايدى قازاقپارات.

ءورت وقيعاسى 23 قاباتتى «سەناتور» تۇرعىن ءۇي كەشەنىندە بولدى.

«12-ماۋسىمدا ساعات 07:44 تە نۇر-سۇلتان قالاسىنىڭ الماتى اۋدانىندا ورنالاسقان ءۇيدىڭ 20-قاباتىندا بەس شارشى مەتر اۋماقتى ءورت شارپىدى. ۇيدەگى مۇزداتقىش كامەراسى، تەرەزەنىڭ جاقتاۋى، بالكوندا جاتقان زاتتار ورتەنگەن»، - دەلىنگەن ق ر ءى ءى م ت ج ك تاراتقان حابارلامادا.

قازىرگى بولجام بويىنشا، ءورتتىڭ شىعۋىنا مۇزداتقىشتىڭ قىسقا تۇيىقتالۋى سەبەپ بولعان. ءورت ساعات 08:15 تە تولىق ءسوندىرىلدى. وقىس وقيعادان ەشكىم زارداپ شەكپەدى. تۇرعىندار ۇيدەن تىسقا وزدەرى شىقتى. ءتىلسىز جاۋمەن كۇرەسكە نۇر-سۇلتان قالاسى ت ج د-نىڭ 25 ادامى مەن 5 تەحنيكاسى جۇمىلدىرىلدى.