الماتىدا وپەراتسيا جۇرەكتى 20 مينۋت توقتاتىپ قويىپ جاسالدى

الماتى. قازاقپارات - الماتىلىق تۇرعىن قالالىق كارديولوگيالىق ورتالىق ماماندارىنا ءجيى ەنتىگىپ، اۋا جەتپەي قالاتىنىن ايتىپ شاعىمداندى، دەپ حابارلايدى قازاقپارات ءتىلشىسى.

دەنساۋلىعىنا شاعىمدانعان ايەلدى دارىگەرلەر دەرەۋ ەحوكارديوگرافيادان وتكىزدى، ناتيجەسىندە ميكسوما - جۇرەك ىسىگى انىقتالدى. ياعني سول جاق اتريۋم جۇرەگىنىڭ قاتەرلى ىسىگى. ىسىك ميترالدى قاقپاقشانى جاۋىپ قالۋعا از قالعان.

«ىسىكتى وپەراتسيالىق جولمەن شۇعىل الىپ تاستاۋ كەرەك بولدى، ايتپەسە ىسىك ميترالدى قاقپاقشانى جاۋىپ تاستار ەدى. بۇل ولىمگە اكەلەدى»، - دەدى الماتى قالالىق كارديولوگيا ورتالىعىنىڭ باس دارىگەرى المات قوداسبايەۆ.

وپەراتسيا جاساندى جولمەن قان اينالۋدى رەتتەۋ ارقىلى جۇرەكتى 20 مينۋت توقتاتىپ قويىپ جاسالدى. دارىگەرلەر وسى ۋاقىت ىشىندە ىسىكتى الىپ تاستادى. جالپى، وتا 2 ساعاتقا سوزىلدى.

بۇگىنگى كۇنى ناۋقاستىڭ ومىرىنە قاۋىپ ءتونىپ تۇرعان جوق. جاعدايى تۇراقتى، ونى اۋرۋحانادان ۇيىنە شىعارۋعا دايىنداپ جاتىر.  وسىلايشا كارديولوگتار 69 جاستاعى ايەلدىڭ ءومىرىن ساقتاپ قالدى.

اۆتور الما مۇقانوۆا