ەلوردادا 20 ەلدىڭ مامانى يسلام قارجى نارىعىن دامىتۋدى تالقىلاۋدا

ۇر-سۇلتان. قازاقپارات - ەلوردادا تۇڭعىش رەت ت م د جانە ورتالىق ازيا ەلدەرىنىڭ اراسىندا يسلام قارجىلاندىرۋ قىزمەتى كەڭەسىنىڭ (Islamic Financial Services Board - IFSB) وتىرىسى ءوتىپ جاتىر، دەپ حابارلايدى قازاقپارات ءتىلشىسى.

ن

ءبىر اپتا بويى وتەتىن كەڭەس جيىنى بىرنەشە بولىكتەن تۇرادى، ونىڭ ىشىندە IFSB تەحنيكالىق كوميتەتىنىڭ وتىرىسىندا IFSB- گە مۇشە ەلدەردىڭ ورتالىق بانكتەرى مەن رەتتەۋشىلەرىنىڭ وكىلدەرى قاتىسادى. سونىمەن قاتار، يسلام قارجى كاپيتالى سالاسىندا ينۆەستورلاردىڭ قۇقىعىن قورعاۋ، يسلامدىق دەپوزيتتەر كەپىلدىگىنىڭ ءتيىمدى جۇيەسىن قۇرۋ بويىنشا جۇمىس توپتارىنىڭ كەزدەسۋلەرى وتۋدە.

«يسلام قارجىلاندىرۋى ا ح ق و- نىڭ نەگىزگى باعىتتارىنىڭ ءبىرى. ا ح ق و-دا حالىقارالىق تالاپتارعا، سونىڭ اراسىندا IFSB تالاپتارىنا ساي قاجەتتى قۇقىقتىق نورماتيۆتىك بازا قۇرىلعان. مۇنداي ءىس- شارالار يسلام قارجىلاندىرۋى بويىنشا اقپاراتتى كەڭەيتەدى ءارى يسلام قارجى نارىعى وكىلدەرى مەن رەتتەۋشىلەرى اراسىنداعى ديالوگتى ورناتاتىن الاڭ رەتىندە ءتيىمدى»، - دەدى «استانا» حالىقارالىق قارجى ورتالىعى باسقارۋشىسى قايرات كەلىمبەتوۆ.

ايتا كەتەيىك، كەڭەس وتىرىسىنا ب ا ءا، ومان، ساۋد ارابياسى، برۋنەي، مالايزيا، كاتار جانە تاعى دا باسقا 20 ەلدەن وكىلدەر قاتىستى.

IFSB - يسلام قارجىلاندىرۋى ينستيتۋتتارىنىڭ ءتيىمدى قاداعالانۋى مەن رەتتەۋى بويىنشا تالاپتاردى دايىندايتىن حالىقارالىق ورگان.

ا ح ق و 2017 -جىلدان بەرى IFSB-نىڭ تۇراقتى وكىلى. بۇل ۇيىمنىڭ وكىلى بولۋ يسلام قارجىلاندىرۋى ينستيتۋتتارىنىڭ بىرەگەي تالاپتارىن دايىنداۋ كەزىندە ءتيىمدى ىقپالداستىق تانىتۋعا كومەكتەسەدى.

ا ح ق و- نىڭ نورماتيۆتى- قۇقىقتىق بازاسى حالىقارالىق جانە IFSB تالاپتارىنا ساي جاسالىنعان. ا ح ق و وكىلدەرى يسلام قارجىلاندىرۋ زاڭدىلىعىن دامىتۋ بويىنشا تالاپتاردى دايىندايتىن تەحنيكالىق كوميتەت مەن جۇمىس توپتارىنىڭ قۇرامىنا دا ەنگەن. وسىنداي ءىس-شارالار ا ح ق و-نىڭ يسلام قارجىلاندىرۋى جانە بيزنەس حابى رەتىندەگى پوزيتسياسىن نىعايتادى.

اۆتور: رۋسلان عابباسوۆ