12:45, 28 - مامىر 2019 | GMT +5
ق ر ۇ ق ك: قازاقستاننىڭ كەدەن بەكەتتەرىندەگى قىلمىستار بويىنشا 20 ادام كۇدىككە ءىلىندى
نۇر-سۇلتان. قازاقپارات - ۇلتتىق قاۋىپسىزدىك كوميتەتى «نۇر جول»، «قالجات» (الماتى وبلىسى) جانە «ب. قونىسبايەۆ اتىنداعى» (تۇركىستان وبلىسى) كەدەن بەكەتتەرىنىڭ كەدەندىك، فيتوسانيتارلىق، ۆەتەرينارلىق جانە كولىكتىك باقىلاۋ قىزمەتكەرلەرىنە قاتىستى ءىستى تەرگەۋمەن اينالىسۋدا.
بۇل تۋرالى بۇگىن ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتى حابارلادى.
20 دان اسا قىزمەتكەر ق ح ر- دان وزبەكستان رەسپۋبليكاسىنا تاۋاردى كەدەرگىسىز تاسىمالداۋدى ۇيىمداستىرۋ ءۇشىن سىرتقى ەكونوميكالىق قىزمەتكە قاتىسۋشىلاردى قورقىتىپ-ۇركىتىپ، پارا العان دەپ كۇدىككە ءىلىندى.
جۇرگىزىلگەن تىنتۋلەر بارىسىندا ءىرى مولشەردە قىلمىستىق جولمەن الىنعان شەتەل جانە ۇلتتىق ۆاليۋتا تۇرىندەگى قاراجات تاركىلەندى.
قازىرگى ۋاقىتتا 3 كۇدىكتى سوت سانكسياسىمەن قاماۋعا الىندى، قالعان ءىس فيگۋرانتتارى كىناسىن تولىق مويىنداۋىنا بايلانىستى، ولارعا قاتىستى باس بوستاندىعىنان ايىرمايتىن بۇلتارتپاۋ شارالارى قولعا الىندى.