اپاتقا ۇشىراعان ۇشاقتا يندونەزيانىڭ 20 لاۋازىمدى قىزمەتكەرى بولعان

استانا. قازاقپارات - جولاۋشىلار ۇشاعىنىڭ اپاتقا ۇشىراعان ايماعىندا تۇسىرىلگەن بەينەجازبا جاريالاندى. قازىر قۇتقارۋ شارالارى ءجۇرىپ جاتىر.

 بورتتاعى 189 ادامنىڭ ۇشەۋى - بالا، 2 ۇشقىش جانە 5 جولسەرىك بولعانى انىقتالدى. سونداي- اق وندا يندونەزيانىڭ قارجى مينيسترلىگىنىڭ 20 لاۋازىمدى تۇلعاسى وتىرعان.

 اۋە كەمەسى قۇلاعان تەڭىزدە جولاۋشىلاردىڭ جەكە زاتتارى مەن ۇشاقتىڭ سىنىقتارى تابىلدى. ال ادامدار ءالى ىزدەستىرىلىپ جاتىر. بەلگىلى بولعانداي، Lion Air كومپانياسىنا تيەسىلى ۇشاق دجاكارتا اۋەجايىنان شىعا سالىسىمەن شامامەن 13 مينۋتتان كەيىن راداردان جوعالىپ كەتكەن. ول يندونەزيانىڭ ياۆا ارالىنىڭ باتىس جاعالاۋىنداعى تەڭىزگە قۇلاعان. ايتا كەتەرى، بۇعان دەيىن بۇل ۇشاق اقاۋسىز دەپ تانىلعان ەكەن.

www.24.kz