ءۇندىستاندا استانانىڭ 20 جىلدىعى تويلاندى
وعان ءۇندىستاننىڭ ۇكىمەت، پارلامەنت وكىلدەرى، ىسكەرلەر جانە قوعامدىق بەلسەندىلەر، ب ا ق جانە دەليدە اككرەديتاتسيادان وتكەن ديپلوماتيالىق ميسسيالاردىڭ وكىلدەرى قاتىستى. ءۇندىستاننىڭ قازاقستانداعى ەلشىسى پرابحات كۋمار مەن بۇرىنعى ەلشى اشوك سادجانحار شارانىڭ قۇرمەتتى قوناعى بولدى. قوناقتار قازاقستاندا وتكىزگەن ۋاقىتى مەن استانانىڭ دامۋ قارقىنى تۋرالى جىلى پىكىرلەرىن ءبىلدىردى.
شارادا ءسوز سويلەگەن قازاقستان رەسپۋبليكاسىنىڭ ءۇندىستانداعى ەلشىسى بولات سارسەنبايەۆ استانانىڭ قالىپتاسۋ تاريحىنىڭ نەگىزگى كەزەڭدەرىنە توقتالىپ، ەلوردانىڭ قازاقستاننىڭ جالپى دامۋىنا، سونداي-اق حالىقارالىق بەيبىتشىلىك پەن قاۋىپسىزدىككە قوسىپ وتىرعان سۇبەلى ۇلەسى تۋرالى ايتتى.
شارادا استانانىڭ دامۋى تۋرالى ءبىرقاتار ۆيدەوروليك كورسەتىلىپ، قازاق ۇلتتىق ونەر ۋنيۆەرسيتەتىنىڭ «نۇروردا» فولكلور- ەتنيكالىق انسامبلى كونسەرت قويدى.
