مەكسيكادا استانانىڭ 20 جىلدىعى اتالىپ ءوتتى
ءىس-شاراعا مەكسيكانىڭ مەملەكەتتىك ورگاندارى، بيزنەس توپتارى، مادەنيەت قايراتكەرلەرىنىڭ، ساياسي يستەبليشمەنتى جانە قازاق دياسپوراسىنىڭ 200 دەن استام وكىلى قاتىستى.
قازاقستاننىڭ ەلشىسى اندريان ەلەمەسوۆ العى سوزىندە قاتىسۋشىلاردى جاس استانانىڭ قالىپتاسۋىنىڭ ەلەۋلى كەزەڭدەرىمەن، جاھاندىق ساياساتتاعى وسكەلەڭ رولىمەن، كوپشىلىكپەن تانىلعان حالىقارالىق كۇن ءتارتىبىنىڭ ساياسي جانە ەكونوميكالىق ماسەلەلەر بويىنشا كەلىسسوزدەر الاڭىنىڭ جەتىستىكتەرىمەن تانىستىرىپ شىقتى.
سونىمەن قاتار، قوناقتار قازاقستاننىڭ جەتىستىكتەرى مەن دامۋ پەرسپەكتيۆالارى، جاعىمدى ينۆەستيتسيالىق ساياساتى، ستراتەگيالىق باعدارلامالارى مەن حالىقارالىق باستامالارىنىڭ نەگىزگى باعىتتارىمەن تانىستىرىلدى.
سىرتقى ىستەر مينيسترلىگى دەپارتامەنتىنىڭ باس ديرەكتورى حورحە الۆارەس فۋەنتەس مەكسيكانىڭ سىرتقى ساياسي ۆەدومستۆو باسشىسىنىڭ اتىنان قۇتتىقتاۋ حاتتى وقىپ، قازاقستاننىڭ ايماقتىق ليدەرى رەتىندەگى وسكەلەڭ پوتەنتسيالىن، حالىقارالىق ساحناداعى مەدياتور ءرولىن جانە تابىستى ەكونوميكالىق وزگەرىستەرىن ەرەكشە اتاپ ءوتتى.
سونىمەن قاتار، قوناقتاردىڭ نازارىنا استانا تۋرالى ارنايى فيلم جانە قازاق ۇلتتىق تاعامدارى ۇسىنىلدى.
