ۆارشاۆادا استانانىڭ 20 جىلدىعى اتاپ ءوتىلدى
ءىس-شاراعا پولشا پرەزيدەنتى كەڭسەسىنىڭ، ۇكىمەتى مەن پارلامەنتىنىڭ جوعارى لاۋازىمدى وكىلدەرى، شەتەلدىك ديپلوماتتار، قازاقستاندىق قوعامداستىقتىڭ وكىلدەرى، كورنەكتى قوعام جانە مادەنيەت قايراتكەرلەرى قاتىستى.
قازاقستاننىڭ پولشاداعى ەلشىسى مارعۇلان بايمۇحان قازاقستاندىق وتانداستارىمىزدى استانانىڭ مەرەيتويىمەن جىلى قۇتتىقتادى. ول پرەزيدەنت نۇرسۇلتان نازاربايەۆتىڭ باستاماسىمەن قۇرىلعان زاماناۋي قالا الەمنىڭ وزىق استانالارىنىڭ قاتارىنا قوسىلاتىنىنا سەنىم ءبىلدىردى.
م. بايمۇحان شەتەلدىك اۋديتورياعا «استانا برەندى» زاماناۋي، سەرپىندى دامىپ كەلە جاتقان، تانىمال جانە الەمدە لايىقتى بەدەلگە يە مەگاپوليس رەتىندە قىسقاشا بەينەلەپ ايتىپ بەردى.
اتاپ ايتقاندا، قازاقستان استاناسىنىڭ وڭىرلىك جانە جاھاندىق ديپلوماتيانىڭ ورتالىعى رەتىندە ءرولى تۋرالى باسا ايتىلدى. وسىلايشا، پولشانىڭ وكىلدىك دەلەگاتسياسىنىڭ 2018-جىلعى 19-22- ماۋسىمدا استانادا وتكەن 25- دۇنيەجۇزىلىك تاۋ-كەن كونگرەسىنىڭ جۇمىسىنا قاتىسۋى، سوڭعى مىسالى رەتىندە كەلتىرىلگەن بولاتىن.
ەلشى ەلوردانى، قازاق حالقىنىڭ بىردەي شوعىرلاندىرىلعان ۇلتتى قالىپتاستىرۋدىڭ قۋاتتى فاكتورى، مەملەكەتتىڭ ەكونوميكالىق دامۋىنىڭ لوكوموتيۆى رەتىندە سيپاتتادى. استانانىڭ يندۋستريالدىق، قارجىلىق، يننوۆاتسيالىق، مادەني، مەديتسينالىق جانە ءبىلىم بەرۋ ورتالىعى، شيكىزاتقا تاۋەلدى ەمەس قازاقستاندا بالامالى ەكونوميكانى قۇرۋدىڭ درايۆەرلەرىنىڭ ءبىرى بولىپ تابىلاتىنى اتاپ ايتىلدى.
سىرتقى سەرىكتەستەرمەن ءتيىمدى ءوزارا ءىس- قيمىلدىڭ ماڭىزدىلىعىن ەسكەرە وتىرىپ، م. بايمۇحان پولياك تاراپىن ءوزارا ءتيىمدى نەگىزىندە استانانىڭ دامۋىنا ەلەۋلى ۇلەس قوسۋعا شاقىردى.
وسىعان بايلانىستى قازاقستان- پولشا قارىم-قاتىناسىندا شەشىلمەگەن ماسەلەلەردىڭ جوقتىعى قاناعاتتانۋشىلىقپەن اتاپ ءوتىلدى.
قازاقستان ديپلوماتى پولياك دوستارىن ۇلتتىق تاريحتاعى ماڭىزدى وقيعا - 2018-جىلى كەڭىنەن اتاپ ءوتىلىپ جاتقان پولشا تاۋەلسىزدىگىن قالپىنا كەلتىرۋدىڭ 100 جىلدىق مەرەكەسىمەن قۇتتىقتادى.
قوناقتارعا استانا تۋرالى قىسقاشا بەينەروليك كورسەتىلدى.
ءىس-شاراعا اقمولا وبلىسىنىڭ «شالقىما» حالىق ءبي ءانسامبلىنىڭ نومەرلەرى جارقىن بوياۋدى بەردى. بۇل تانىمال شىعارماشىلىق ۇجىم «Folk Harbor - Gorzow 2018» ХХV حالىقارالىق ءبي فەستيۆالىنىڭ شەڭبەرىندە پولياك قالالارىن گاسترولمەن ارالاپ ءجۇر.
