الداعى 20 جىلدا قازاقستانىڭ كليماتى قالاي وزگەرەدى
ەكولوگتار قازىرگى ەكونوميكا قارقىنىن وزگەرتپەسەك ەكولوگيالىق جاعدايدىڭ مۇشكىل بولاتىندىعىنا الاڭداۋلى.
ب ۇ ۇ قازاقستانداعى دامۋ باعدارلاماسى وكىلدىگىنىڭ ورىنباسارى مونحتۋيا التانگەرەلدىڭ ايتۋىنشا، قازاقستاندا 2002-جىلدان بەرى ورتاشا اۋا تەمپەراتۋراسى 1,28 گرادۋسقا كوتەرىلگەن. الداعى 20 جىلدا بۇل كورسەتكىش 2 گرادۋسقا جەتۋى مۇمكىن.
«بۇل ءبىرىنشى كەزەكتە اۋىل شارۋاشىلىعى سەكتورىنا اۋىر تيەدى. ورتا ازيادا اۋىلشارۋاشىلىعى جەرلەرىنىڭ 40 پايىزى جارامسىز بولادى. 2050-جىلعا تامان ىلعالدىق اۋماعى سولتۇستىككە قاراي كوشەدى. قازاقستان 1,4 ميلليون گەكتار ەگىستىك پەن شابىندىق جەرلەرىن جوعالتۋى مۇمكىن»، - دەدى مونحتۋيا التانگەرەل.
بۇكىل الەمدىك بانكتىڭ ورتالىق ازياداعى كليماتتىق وزگەرىستەرى بويىنشا ۇيلەستىرۋشى گايانە ميناسياننىڭ ايتۋىنشا، ەگەر اۋىل شارۋاشىلىعى سۋبەكتىلەرى كليماتتىق وزگەرىستەرگە بەيىمدەلمەسە اۋىل شارۋاشىلىعى سالاسىنىڭ ونىمدىلىگى 20-30 پايىزعا قىسقارادى.
«بۇل ەكونوميكاعا ۇلكەن سوققى بولىپ تيەدى. سوندىقتان، بۇكىل الەمدىك بانك تاجىكستان، وزبەكستان ەلدەرى ايماعىندا فەرمەرلەرگە ءبىرقاتار ءتيىمدى جوبا ۇسىنىپ وتىر. ياعني، ءبىز اۋىلشارۋاشىلىعى سالاسىندا ۇنەمدەۋگە باعىتتالعان تەحنولوگيالارعا قارجى بولەمىز. ماسەلەن قۇرعاقشىلىققا بەيىمدەلگەن تۇقىم ءوندىرۋ، سۋدى راتسيونالدى پايدالانۋ تەحنولوگياسى، ءشول جاعدايىنا بەيىمدەلگەن مال ءوسىرۋ سياقتى جوبالار. بۇل جوبالار قازاقستانعا دا كىردى. وسى ۋاقىتقا دەيىن ينجەنەرلىك جۇيەلەر ورناتىلىپ كەلدى. بيىلدان باستاپ تولىق ىسكە اساتىن بولادى»، - دەدى گايانە ميناسيان.
بۇگىنگى كونفەرەنتسيا بارىسىندا ورتا ازيا ەلدەرى مەن الەمدىك ەكولوگيالىق ۇيىمداردىڭ وكىلدەرى كليماتتىق وزگەرىستەرگە قالاي بەيىمدەلۋ كەرەكتىگىن كەڭىنەن تالقىلادى.
