شاڭحايدا قازاقستاننىڭ 20 عا جۋىق جوعارى وقۋ ورنى تانىستىرىلدى
«قازاقستاندىق ءبىلىم كۇنى» جارمەڭكەسىن قىتايداعى قازاقستان ەلشىلىگىنىڭ جانە شاڭحايداعى قازاقستاننىڭ باس كونسۋلدىعىنىڭ قولداۋىمەن ق ر ءبىلىم جانە عىلىم مينيسترلىگىنىڭ «حالىقارالىق باعدارلامالار ورتالىعى» ا ق ۇيىمداستىردى.
قىتايدا تانىستىرىلعان قازاقستاندىق ج و و- لاردىڭ قاتارىندا ل. گۋميليەۆ اتىنداعى ەۋرازيا ۇلتتىق ۋنيۆەرسيتەتى، پاۆلودار مەملەكەتتىك پەداگوگيكالىق ينستيتۋتى، ءال-فارابي اتىنداعى قازاق ۇلتتىق ۋنيۆەرسيتەتى، قازاق ۇلتتىق حورەوگرافيا اكادەمياسى، حالىقارالىق بيزنەس ۋنيۆەرسيتەتى بار.
ءبىلىم جارمەڭكەسىنىڭ ماقساتى - قازاقستاننىڭ جوعارى وقۋ ورىندارىندا ءبىلىم الۋ مۇمكىندىكتەرى جانە ولاردا ءبىلىم الۋدىڭ باسىمدىقتارى تۋرالى كەڭىنەن مالىمەت بەرۋ.
وتاندىق جوعارى مەكتەپتەرگە، قازاقستاننان ستۋدەنتتەردى تارتۋعا، ستۋدەنتتەرمەن جانە وقىتۋشىلارمەن الماسۋعا جانە ىقپالداستىقتىڭ وزگە دە باعىتتارىنا ۇلكەن قىزىعۋشىلىقتى نينبو جانە شاڭحاي قالالارىنىڭ ۋنيۆەرسيتەتتەرى ءبىلدىردى.
14-15- جەلتوقسان كۇندەرى وسىنداي شارانى بەيجىڭ قالاسىندا وتكىزۋ جوسپارلانۋدا.
