استانانىڭ 20 جىلدىعىنىڭ ۇزدىك لوگوتيپىنە بايگە جاريالاندى

 استانا. قازاقپارات- 2017 -جىلدىڭ 7 - قاراشاسىندا قازاقستان رەسپۋبليكاسىنىڭ ەلورداسى - استانا قالاسىنىڭ 20 جىلدىعىنا وراي، ۇزدىك برەندبۋك (BrandBook) كونكۋرسى بويىنشا باسپا ءسوز ءماجىلىسى وتەدى.

قازاقستان رەسپۋبليكاسىنىڭ ەلورداسى - استانا قالاسىنىڭ 20  جىلدىعىن دايىنداۋ جانە وتكىزۋ جونىندە شتابتىڭ وتىرىسىندا كونكۋرستى وتكىزۋ تۋرالى ءبىرقاتار ۇسىنىستار قاراستىرىلىپ، 2017 -جىلدىڭ 6 - قاراشاسى مەن 27 - قاراشا ارالىعىندا 22 كۇنتىزبەلىك كۇنگە سوزىلاتىن كونكۋرس جاريالاۋ تۋرالى ورتاق پىكىر قابىلداندى. كونكۋرسقا وتىنىمدەر جەكە جانە زاڭدى تۇلعالاردان قابىلداناتىن بولادى (شىعارماشىلىق توپتار، جارناما اگەنتتىكتەرى مەن فيرمالار، سۋرەتشىلەر، ساۋلەتشىلەر، جوبالىق ۇيىمدار، اۆتورلىق ۇجىمدار) .

سونىمەن قاتار، ۇزدىك برەندبۋكتى (BrandBook) تاڭدايتىن ساراپتاۋ كوميسسياسى (بۇدان ءارى - كوميسسيا) قۇرىلدى.

كونكۋرستىڭ ماقساتى - قازاقستان رەسپۋبليكاسىنىڭ ەلورداسى - استانا قالاسىنىڭ 20 جىلدىعىنا وراي تاريحي- مادەني ساباقتاستىقتى، سونىمەن قاتار رەسپۋبليكا استاناسىنىڭ بولاشاق دامۋىنىڭ تەندەنتسيالارىن ەسكەرەتىن، قالا ءيميدجىنىڭ جاڭارۋىنا جانە ونىڭ وزىندىك ەرەكشەلىكتەرىنىڭ بەكۋىنە اسەرىن تيگىزەتىن، برەند- بۋك، لوگوتيپ پەن ۇران جاساۋ بويىنشا جاقسى كونتسەپتۋالدى جوبالاردى انىقتاۋ.

ۇزدىك دەپ تانىلعان لوگوتيپ پەن ۇران قازاقستان رەسپۋبليكاسىنىڭ ەلورداسى - استانا قالاسىنىڭ 20 جىلدىعىن اتاپ ءوتۋ، اقپاراتتىق سەبەپتى قالىپتاستىرۋعا باعىتتالعان جارنامالىق، ماركەتينگتىك جانە باسقا دا شارالاردا ءارى قالانىڭ مادەني، تۋريستىك جانە الەۋمەتتىك پوتەنتسيالىن جاقسارتۋعا پايدالانىلادى.

كونكۋرستىڭ قورىتىندىسى بويىنشا كوميسسيا ۇزدىك برەنبۋكتى تاڭداپ، جەڭىمپازعا  000 8000 (سەگىز ميلليون) تەڭگە تابىستايدى.

 

بايقاۋ ەرەجەسىمەن مىنا جەردە تانىسۋعا بولادى.

 

Baq.kz