سينوپتيكتەردىڭ 20- قازانعا ارنالعان اۋا رايى بولجامى
سونداي-اق ەلىمىزدىڭ كەي جەرلەرىندە جەل كۇشەيىپ، كوكتايعاق پەن تۇمان كۇتىلەدى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.
اتاپ ايتقاندا، قاراعاندى وبلىسىنىڭ باسىم بولىگىندە جەل 15-20 م/س دەيىن كۇشەيەدى، تۇندە كەي ۋاقىتتا ونىڭ ەكپىنى 24 م/س جەتەدى. سونداي-اق جەكەلەگەن جەرلەردە تۇمان مەن كوكتايعاق كۇتىلەدى.
سولتۇستىك قازاقستان وبلىسىندا كەي جەرلەردە جەلدىڭ جىلدامدىعى 23-28 م/س ارتادى، تۇمان، كوكتايعاق بولجانادى.
پاۆلودار وبلىسىندا كۇندىز جەلدىڭ كۇشى 25 م/س جەتۋى ىقتيمال. شىعىس قازاقستان وبلىسىنىڭ كەي جەرلەرىندە 15-20 م/س- پەن سوققان جەلدىڭ ەكپىنى 23-28 م/س جەتەدى. قوستاناي وبلىسىندا جەلدىڭ جىلدامدىعى 15-23 م/س كۇشەيىپ، كەي جەرلەردە تۇمان، كوكتايعاق بولادى.
اقمولا وبلىسىنىڭ كەي جەرلەرىندە جەلدىڭ كۇشى 15-25 م/س جەتىپ، تۇندە جانە تاڭەرتەڭ تۇمان كۇتىلەدى. جامبىل وبلىسىنىڭ كەي جەرلەرىندە جەلدىڭ كۇشى 15-20 م/س كۇشەيەدى، تۇندە جانە تاڭەرتەڭ سونداي-اق تۇمان بولجانادى.
اتىراۋ وبلىسىنىڭ كەي جەرلەرىندە تۇمان بولىپ، تۇندە جەل 15-20 م/س ارتادى. قىزىلوردا، اقتوبە وبلىستارىنىڭ كەي جەرلەرىندە جەلدىڭ كۇشى 15-20 م/س جەتەدى. ماڭعىستاۋ وبلىسىنىڭ كەي اۋماقتارىندا تۇمان كۇتىلەدى.
