مايرا مۇحامەد قىزى: ءبىز قىزىمىزدى 20 جىل كۇتتىك

استانا. قازاقپارات - ونەر يەسى بۇل تۋرالى ءوزىنىڭ الەۋمەتتىك جەلىسىندە ايتتى. بۇگىن قىزى ايدانىڭ تۋعان كۇنى ەكەن.

سوعان وراي سۋرەت سالىپ: «اللاعا مىڭ شۇكىر! بۇگىن قىزىمىز ايدا 5 كە تولدى. وسىدان بەس جىل بۇرىن تاڭەرتەڭ ساعات 08:00-دە ورنىمنان ءىشىپ اۋىرىپ، تولعاتىپ ويانىپ، تۇستەن كەيىن ساعات 16:15-دە قىزىمدى بوساندىم. ءبىز ونى 20 جىل كۇتتىك. قۋانىشىم دا، بار بايلىعىم دا، ءومىرىمنىڭ ءمانى دە، ءسانى دە ايدا. بالامىزعا ۇزاق ءومىر، مىقتى دەنساۋلىق، باقىت تىلەيمىز. اللا تاعالام بارماقتاي باق بەرسىن، جولى اق بولسىن! ءتىل-كوزدەن ساقتاي گور اللا! قاشاندا ماڭايىندا جاقسى ادامدار بولسىن دەپ تىلەيمىن. سىزدەرگە دە العىسىمىز شەكسىز. جاقسى ءسوز، باتا، تىلەك، تازا كوڭىلدەرىڭىزگە راحمەت. اللا رازى بولسىن سىزدەرگە. شاڭىراقتارىڭىزدا تەك قۋانىش بولسىن!» - دەپ جازعان.

مايرا مۇحامەد قىزى 1965 -جىلدىڭ 5-قىركۇيەگىندە قىتايدىڭ قۇلجا قالاسىندا دۇنيەگە كەلگەن. قازاقستان رەسپۋبليكاسىنىڭ ەڭبەك سىڭىرگەن ءارتىسى، مەملەكەتتىك سىيلىقتىڭ لاۋرەاتى. پاريجدەگى "گراند وپەرادا" قازاقستاننىڭ اتىنان ونەر كورسەتكەن تۇڭعىش ءارى ازىرگە جالعىز وپەرا ءانشىسى.

مايرا مۇحامەد قىزى ق ح ر- دا ونەرلى وتباسىندا تۋىپ، وسكەن. تاريحي وتانىنا 1994 -جىلى ورالدى. اكەسى مۇحامەد ءابدىقادىر ۇلى - كومپوزيتور، پروفەسسور، مۋزىكا زەرتتەۋ سالاسى بويىنشا كوپتەگەن كىتاپتاردىڭ اۆتورى. اناسى كامال قۋانىش قىزى - ءانشى، ق ح ر حالىق ءارتىسى.

مايرا مۇحامەد قىزى بەيجىڭ ۇلتتار ۋنيۆەرسيتەتىنىڭ مۋزىكا فاكۋلتەتىن (جوۋ بىن چين سىنىبى) جانە بەيجيڭ كونسەرۆاتورياسىن (گو شۋ جىن سىنىبى) بىتىرگەن. الماتىدا قۇرمانعازى اتىنداعى قازاق ۇلتتىق كونسەرۆاتورياسىندا (پروفەسسور ن. ا. ءشاريپوۆتىڭ سىنىبى) تاعىلىمدامادان وتكەن.

بالاپاننىڭ تۋعان كۇنى قۇتتى بولسىن!