09:09, 09 - قاڭتار 2017 | GMT +5
ۋنيۆەرسيادا ويىندارىنىڭ باستالۋىنا 20 كۇن قالدى
استانا. قازاقپارات - الماتى تورىندە وتەتىن XXVIII بۇكىل الەمدىك ۋنيۆەرسيادا ويىندارىنىڭ باستالۋىنا 20 كۇن قالدى، دەپ حابارلايدى قازاقپارات ءتىلشىسى.

ەسكە سالا كەتەيىك، XXVIII دۇنيەجۇزىلىك ۋنيۆەرسيادا 2017-جىلدىڭ 29- قاڭتارى مەن 8- اقپانى ارالىعىندا الماتىدا وتەدى.
ونىڭ باعدارلاماسىنا مانەرلەپ سىرعاناۋ، شورت- ترەك، تاۋ شاڭعىسى، سنوۋبورد، بياتلون، شاڭعىمەن جارىسۋ، شايبالى حوككەي (ايەلدەر مەن ەرلەر اراسىندا)، كەرلينگ، شاڭعىمەن ترامپليننەن سەكىرۋ، شاڭعى قوسسايىسى، كونكيمەن جۇگىرۋ سپورتى، فريستايل سەكىلدى 12 سپورت ءتۇرى ەنگەن.
جارىستارعا 2 مىڭعا جۋىق سپورتشى قاتىسادى دەپ كۇتىلۋدە. ۋنيۆەرسيادا وتكىزىلەتىن ۋاقىتتا 3 مىڭ ەرىكتى، ونىڭ ىشىندە كوپتەگەن شەتەلدىك ەرىكتىلەر اتسالىسادى.
ستۋدەنتتەر اراسىنداعى سپورت ويىندارىنا 30 مىڭعا جۋىق وتاندىق جانە شەتەلدىك تۋريست كەلەدى دەپ كۇتىلۋدە. سايىستاردى الەمنىڭ 80 ەلىندەگى 1 ميلليارد ادام تەلەديدار ارقىلى تاماشالاماق.
اۆتور: كۇنسۇلتان وتارباي