15:04, 31 - قازان 2016 | GMT +5
جىگىتتەردەن العان 20 «ايفوندى» ساتقان قىز ءۇيلى بولدى
استانا. قازاقپارات. قىتايدىڭ الەۋمەتتىك جەلىلەرى ءبىر سىلكىندى. مۇندا شياولي اتتى قىز وزىنە كوڭىلى اۋعان 20 جىگىتتىڭ ءارقايسىسىنان ءبىر ءبىر «ايفوننان» سىيعا الىپ، ول سىيلىقتارىن قايتادان ساتىپ جىبەرىپتى.
ەڭ سوڭعى ۇلگىدەگى جيىرما «ايفوندى» ساتىپ جىبەرگەن قىزدىڭ بۇل ساۋداسىنان شامامەن 5 ميلليون تەڭگە جينالىپ، قىز ول اقشاعا قالا ماڭىنداعى جەردەن ءۇي ساتىپ الىپتى، دەپ حابارلايدى BBC. شياوليدىڭ بۇل ارەكەتى تۋرالى ونىڭ بلوگەر قۇربىسى عالامتوردا جۇرتقا جايىپ سالعان.
بلوگەردىڭ ايتۋىنشا، جۇرت قۇربىسىنىڭ بۇل ارەكەتىن «پايدا كۇنەمدىك» دەپ باعالاماۋى ءتيىس. سەبەبى كەدەي وتباسىنان شىققان شياوليدىڭ اناسى ءۇي شارۋاسىنداعى ايەل، اكەسى ەڭبەك ميگرانتى ەكەن. سونداي- اق ول ءوزىنىڭ ءىنىسى مەن ءسىڭلىسىنىڭ ءوسىپ- ونۋىنە كومەكتەسۋى ءتيىس.
www.24.kz
