تۇركيا- سيريا شەكاراسىندا جارىلىس بولدى، 20 ادام قازا تاپتى

استانا. قازاقپارات - تۇركيا- سيريا شەكاراسىنداعى «باب- ەس- سالام» باقىلاۋ- وتكىزۋ بەكەتى اۋماعىندا جارىلىس، بولىپ، سالدارىنان 20 ادام قازا تاپتى.

بۇل تۋرالى Reuters اگەنتتىگى وقيعا كۋاگەرلەرىنە سىلتەمە جاساپ مالىمدەدى، دەپ حابارلايدى قازاقپارات.

كۋاگەرلەردىڭ سوزىنە قاراعاندا، جارىلىس تۇركيامەن شەكارادان ەكى شاقىرىم جەردە سيريا جەرىندە ورىن العان. اجال قۇشقانداردىڭ باسىم بولىگى - سيريالىق وپپوزيتسيا توپتارىنىڭ مۇشەلەرى، دەپ اتاپ ءوتتى Reuters.

 تۇركيا ءوز شەكاراسىندا «قاۋىپسىز ايماق» قۇرۋ ماقساتىندا 24 - تامىزدا «ەۆفرات قالقانى» شاراسىن باستادى جانە سيرياعا برونەتانكىلىك قۇرىلىمدار مەن ارنايى جاساقتى كىرگىزدى. قازىرگى تاڭدا تۇركيالىق اسكەر مەن «سيريالىق ازات ارميا» وپپوزيتسيالىق قۇرىلىمى شەكارالاس اازاز جانە دجارابلۋس قالالارى اراسىنداعى 90 شاقىرىمدىق جولاقتى باقىلاپ وتىر.