ينۆەستيتسيالار مينيسترلىگى جاڭا 20 جوبانى قولعا الماق
بۇل تۋرالى بۇگىن ق ر پارلامەنتى ءماجىلىسىنىڭ جالپى وتىرىسىندا «2016-2018 -جىلدارعا ارنالعان رەسپۋبليكالىق بيۋدجەت تۋرالى» ق ر زاڭىنا وزگەرىستەر مەن تولىقتىرۋلار ەنگىزۋ تۋرالى» ق ر زاڭىنىڭ جوباسىن تالقىلاۋ بارىسىندا دەپۋتاتتار ساۋالىنا جاۋاپ بەرگەن ق ر ينۆەستيتسيالار جانە دامۋ ءمينيسترى جەڭىس قاسىمبەك ءمالىم ەتتى.
«قازىرگى بيۋدجەتتەن كوزدەلىپ وتىرعان 75 ميلليارد تەڭگەگە «بايتەرەك» حولدينگى نارىقتان قوسىمشا 75 ميلليارد تەڭگە تارتادى. وسى اقشاعا 20 جاڭا جوبانى ىسكە اسىرامىز. ولار ءارتۇرلى سالانى قامتيدى. ونىڭ ىشىندە ماشينا جاساۋ، حيميا، مۇناي حيمياسى سىندى سالالار بار. وسى 20 جوبانىڭ ارقاسىندا 2 مىڭعا جۋىق جاڭا جۇمىس ورىندارى قۇرىلادى. بۇعان قوسا، اتالعان جوبالار بيۋدجەتكە سالىق رەتىندە جىل سايىن 6,5 ميلليارد تەڭگە تۇسىرەدى»، - دەپ جاۋاپ بەردى مينيستر.
ءوز كەزەگىندە «بايتەرەك» حولدينگىنىڭ باسشىسى ەربولات دوسايەۆ اتالعان 20 جوبانىڭ 8 ءى دايىن ەكەندىگىن اتاپ ءوتتى.
«سىزدەر قولداپ، وسى جىلى 75 ميلليارد تەڭگە بولسەڭىزدەر جىلدىڭ سوڭىنا دەيىن قولعا العان جۇمىستاردى بىتىرەمىز. قالعان 75 ميلليارد تەڭگەنى كەلەسى جىلدىڭ باسىندا نارىقتان تارتامىز»، - دەدى ول.
