شاڭحاي ىنتىماقتاستىق ۇيىمى ەكونوميكالىق فورۋمى 20 - قازاندا بەيجىڭدە وتەدى

بەيجىڭ. قازاقپارات - قىتايداعى قازاقستان ەلشىسى شاحرات نۇرىشيەۆ ق ح ر كوممەرتسيالىق مينيسترلىگى جانىنداعى قىتاي حالىقارالىق ساۋدا جانە ەكونوميكالىق ىنتىماقتاستىق اكادەمياسىنىڭ ديرەكتورى گۋ سيۋەمينمەن اعىمداعى جىلى 20 قازاندا ش ى ۇ ەكونوميكالىق فورۋمىن وتكىزۋگە دايىندىق ماسەلەلەرىن تالقىلادى.

 شارا ق ح ر كوممەرتسيالىق مينيسترلىگى جانىنداعى قىتاي حالىقارالىق ساۋدا جانە ەكونوميكالىق ىنتىماقتاستىق اكادەمياسى بازاسىندا وتەدى. وعان قىتايلىق بيزنەس وكىلدەرى، سونىمەن قاتار ەكونوميكا سالاسىنا ماماندانعان ش ى ۇ مۇشە- ەلدەردىڭ عىلىمي- زەرتتەۋ ورتالىقتارىنىڭ وكىلدەرى قاتىسادى.

شاڭحاي ىنتىماقتاستىق ۇيىمى ەكونوميكالىق فورۋمى ۇيىمعا قازاقستاننىڭ ءتوراعالىق ەتۋى مەرزىمىندە ق ح ر- داعى ق ر ەلشىلىگى مەن ش ى ۇ حاتشىلىعى 2016 -جىلى 4 - تامىزدا قول قويعان بىرلەسكەن شارالار جوباسىندا قاراستىرىلعان.

 ەسكە سالا كەتەيىك، 24 - ماۋسىمنان باستاپ شاڭحاي ىنتىماقتاستىق ۇيىمىنىڭ 2017 -جىلى 8-9 - ماۋسىمدا استانادا وتكىزىلۋى جوسپارلانعان كەلەسى سامميتىنە دەيىن قازاقستان رەسپۋبليكاسى ش ى ۇ- نا ءتوراعالىق ەتەدى.