10:46, 22 - قىركۇيەك 2016 | GMT +5
نيۋ- يوركتەگى عيمارات شاتىرىندا 20 جىل تۇرعان لەنين ەسكەرتكىشى الىندى
استانا. قازاقپارات - مانحەتتەننىڭ يست- ۆيلليدج اۋدانىنداعى تۇرعىن ءۇي عيماراتى شاتىرىندا 20 جىل تۇرعان لەنين ەسكەرتكىشى تومەنگە ءتۇسىرىلدى.
ونىڭ ناقتى سەبەبى جاريالانعان جوق، الايدا ب ا ق عيماراتتى Dermot Company كومپانياسىنىڭ 100 ميلليون دوللارعا ساتىپ العانىن حابارلاعان بولاتىن.
ءمۇسىندى كراننىڭ كومەگىمەن ءتۇسىرىپ، جۇك اۆتوكولىگىمەن الىپ كەتتى. ونىڭ ارى قارايعى تاعدىرى بەلگىسىز، كەيبىر بلوگەرلەر مەن جەرگىلىكتى ب ا ق- تىڭ حابارلاۋىنشا، لەنين ءمۇسىنىن تازالاپ، قالپىنا كەلتىرىپ، قايتادان ورنىنا قويۋى مۇمكىن.
فوتو: © Flickr/ Antonio Bonanno
