ۇكىمەت باسشىنىڭ ورىنباسارى قازاقستاننىڭ 20 ۇزدىك كولىك قىزمەتكەرىنە ماراپاتتار تابىستادى
«قازاقستان تەمىرجول جولى» ۇلتتىق كومپانياسى» ا ق پرەزيدەنتى اسقار مامين ءوز كەزەگىندە تەمىرجول سالاسىنىڭ ارداگەرلەرىن قۇتتىقتادى، دەپ جازادى Pm.kz.
«كولىك كەشەنى ەڭبەككەرلەرى تاسىمالداۋدى قامتاماسىز ەتىپ، ۇلتتىق ينفراقۇرىلىم مەن ەكونوميكانىڭ جاڭا سالاسىنداعى جاڭا قۇزىرەتتەردى دامىتىپ، ەلىمىزدىڭ دامۋىنا ءوز ەڭبەگىمەن ولشەۋسىز ۇلەس قوسىپ كەلەدى»، - دەيدى ا. مامين.
ونىڭ ايتۋىنشا، 2016 -جىلدىڭ ءبىرىنشى جارتىجىلدىعىندا قازاقستان ارقىلى قىتاي- ەۋروپا- قىتاي باعىتىندا جۇرەتىن پويىزدار 2,4 ەسەگە (177-دەن 429 پويىزعا دەيىن) ارتتى. وعان قوسا، ترانزيتتەن تۇسەتىن تابىس ۇلەسى كىرىستەردىڭ جالپى كولەمىندە %35 عا جەتتى.
«ءبىزدىڭ كۇش- جىگەرىمىز قىزمەت تيىمدىلىگىن ارتتىرۋعا جانە قارجى ناتيجەلىلىگىن جاقسارتۋعا باعىتتالعان. ءبىرىنشى جارتىجىلدىقتاعى وپەراتسيالىق تابىس 34,6 ميلليارد تەڭگەنى قۇرادى، بۇل وتكەن جىلدىڭ سايكەس كەزەڭىندەگى ناتيجەدەن ەكى ەسە ارتىق. وندىرىستىك پروتسەستەردىڭ تيىمدىلىگىن ارتتىرۋ ناتيجەسىندە نەگىزگى كورسەتكىشتەر بويىنشا ءبىز ت م د ەلدەرىنىڭ تەمىر جولدارىنىڭ اراسىندا كوش باستاپ كەلەمىز»، - دەيدى ا. مامين.
