بەيجىڭدە «شاڭحاي بەستىگىنىڭ» شەكارالىق اۋداندارىندا اسكەري سالاداعى سەنىمدى نىعايتۋ تۋرالى كەلىسىمنىڭ 20 جىلدىعىنا وراي فورۋم ءوتىپ جاتىر - فوتو
دەلەگاتسيا قۇرامىنا قازاقستان - گەرمانيا حالىقارالىق جانە ايماقتىق ىنتىماقتاستىعى ينستيتۋتىنىڭ ديرەكتورى بولات سۇلتانوۆ، «ق ر تۇڭعىش پرەزيدەنتى - ۇلت كوشباسشىسى كىتاپحاناسى» ديرەكتورىنىڭ ورىنباسارى جاپسارباي قۋانىشەۆ، ق ر- نىڭ شاڭحاي ىنتىماقتاستىق ۇيىمى جانىنداعى تۇراقتى وكىلى ەرىك ءاشىموۆ جانە باسقا ديپلوماتتار كىردى.
«اتالعان كەلىسىمنىڭ الەمدىك ديپلوماتيادا بالاماسى جوق جانە ول ايماقتاعى بەيبىتشىلىك، قاۋىپسىزدىك جانە تۇراقتىلىقتى نىعايتۋ ۇدەرىستەرىنە ۇلكەن اسەرىن تيگىزدى... ۋفا سامميتىندە قابىلدانعان ش ى ۇ- ىن 2025-جىلعا دەيىن دامىتۋ ستراتەگياسىندا مۇشە مەملەكەتتەردىڭ كوشباسشىلارى يادرولىق قارۋى جوق ەلدەر قاۋىپسىزدىگىنىڭ قامتاماسىز ەتىلۋىنە بايلانىستى ءسوز سويلەدى»، - دەدى كونفەرەنتسيانىڭ اشىلۋىندا ە. ءاشىموۆ.
قازاقستان باستاماسى بويىنشا ب ۇ ۇ- نىڭ باس اسسامبلەياسى 29- تامىزدى يادرولىق سىناقتارعا قارسى ءىس-ارەكەتتەردىڭ حالىقارالىق كۇنى دەپ جاريالادى.
«بيىلعى جىلدىڭ ءساۋىر ايىنىڭ باسىندا ۆاشينگتوندا وتكەن يادرولىق قاۋىپسىزدىك بويىنشا 4- سامميتتە ب ۇ ۇ باس اسسامبلەياسى مەن قاۋىپسىزدىك كەڭەسىنىڭ قازاقستان پرەزيدەنتى نۇرسۇلتان نازاربايەۆ ۇسىنعان رەسمي قۇجات - «الەم. ХХІ عاسىر» مانيفەسى قابىلداندى. اتالعان قۇجاتتا ادامزات ءۇشىن تاعدىرشەشتى بولىپ تابىلاتىن سوعىس جانە بەيبىتشىلىك ماسەلەلەرى، جانە ەڭ الدىمەن الەم ەلدەرىنىڭ يادرولىق قارۋعا تولىق تىيىم سالۋدان باس تارتۋ جاعدايىندا يادرولىق اپوكاليپسيس قاۋپى بويىنشا پوزيتسياسى اتاپ كورسەتىلدى»، - دەپ اتاپ ءوتتى ديپلومات.
شارانى قىتاي حالىقارالىق پروبلەمالار ينستيتۋتى، قىتاي قوعامدىق عىلىمدار اكادەمياسىنىڭ رەسەي، شىعىس ەۋروپا جانە ورتالىق ازيا ينستيتۋتى (ر ش ە و ا ي)، سونداي-اق اۋماقتىق ەگەمەندىك، تەڭىز قۇقىقتارى جانە مۇددەلەرى مەملەكەتتىك يننوۆاتسيالىق ورتالىعى (ۋحان ۋنيۆەرسيتەتى) ۇيىمداستىردى. وعان قازاقستان، قىتاي، رەسەي، قىرعىزستان جانە تاجىكستاننىڭ 120 دان استام عالىمى مەن ديپلوماتى قاتىسۋدا.
